Berik Ýálı: Toqaev koronavırýsqa kúnde test tapsyryp júr

Memleket basshysy Qasym-Jomart Toqaev kúndelikti koronavırýsqa test tapsyryp jatyr. Bul týraly prezıdenttiń baspasóz hatshysy Berik Ýálı Facebook paraqshasynda jazdy.

– Sońǵy kúnderi memleket basshysy Qasym-Jomart Toqaevtyń densaýlyǵyna qatysty elimizdiń kóptegen azamattary alańdaýshylyq bildirip, saýal joldap jatyr. Osyǵan oraı, Qasym-Jomart Kemelulynyń densaýlyǵy jaqsy ekenin habarlaımyn. Sońǵy kezderdegi epıdemıologııalyq jaǵdaıdyń órshı túsýine baılanysty, ol kúndelikti koronavırýsqa test tapsyryp jatyr. Tapsyrylǵan barlyq test synamasy teris nátıje kórsetti, – dedi B. Ýálı.

Sonymen qatar ol memleket basshysynyń qoǵamdyq uıymdardyń ókilderimen onlaın-kezdesý ótkizip júrgenin atap ótti.

– Memleket basshysy óziniń qyzmet ornynda belgilengen jumys kestesine sáıkes, memlekettik organdar men vedomstvolardyń basshylarymen jáne qoǵamdyq uıymdardyń ókilderimen onlaın-kezdesýler ótkizýde. Qazaqstan Prezıdenti tvıtter arqyly Elbasy Nursultan Ábishuly Nazarbaevtyń tezirek saýyǵyp ketýin tilep, tuńǵysh prezıdenttiń ózine tán myqty rýhynyń arqasynda, bul synaqty da jeńil eńseretinine senim bildirdi, – dep jazdy ol.