Koronavırýs: Qazaqstanda taǵy bir sheneýnik oqshaýlandy

Qazaqstannyń qarjy mınıstri Erulan Jamaýbaev oqshaýlandy. Bul aqparatty vedomstvonyń baspasóz qyzmetine silteme jasaǵan Tengrinews.kz saıty habarlady.

"Qarjy mınıstri búgin ózin-ózi oqshaýlaýǵa ketti. Buǵan deıin koronavırýsqa jasatqan testi teris nátıje kórsetken. Biraq keıin koronavırýs juqtyrǵan adammen baılanysta bolǵany anyqtalyp, mınıstr birshama ýaqyt oqshaýlanýǵa sheshim qabyldady" delingen qarjy mınıstrliginiń Tengrinews.kz saıtyna bergen málimetinde. 

Jamaýbaevtyń qyzmetin ýaqytsha atqarýǵa onyń orynbasary Tatıana Saveleva kirisken. 

Buǵan deıin sheneýnikter arasynan Densaýlyq saqtaý mınıstri Eljan Birtanov, depýtat Bekbolat Tileýhan, prezıdenttiń baspasóz hatshysy Berik Ýálı koronavırýs juqtyrǵan edi. 

Al májilis spıkeri Nurlan Nyǵmatýlın, premer-mınıstr Asqar Mamın, aýyl sharýashylyǵy mınıstri Saparhan Omarov, Bilim jáne ǵylym mınıstri Ashat Aımaǵanbetov, Ekologııa, geologııa jáne tabıǵı resýrstar mınıstri Maǵzum Myrzaǵalıev, Jambyl oblysynyń ákimi Berdibek Saparbaev oqshaýlanyp jatyr.