• USD 412.55
  • EUR 465.73
  • RUB 5.79
  • CNY 58.91

18 Maýsym, 2020 NEWS

Saǵyntaev ekologııalyq aqparattandyrý jobasyn iske qosty

almaty_akimat

Almatyda qala turǵyndaryn megapolıstiń ár aýmaǵyndaǵy aýa sapasy týraly habardar etetin joba iske qosyldy. Bul týraly qala ákimdiginiń baspasóz qyzmeti habarlady.

Almaty ákimi Baqytjan Saǵyntaev óziniń Twitter-degi paraqshasynda qalalyqtardyń qorshaǵan ortanyń jaǵdaıy, sonyń ishinde aýaǵa qatysty habardar bolý deńgeıin arttyrý úshin ekologııalyq jobanyń iske qosylǵany týraly jazdy.

– Atmosferalyq aýanyń sapasyn LED ekranda kórsetemiz. Qalanyń ár bóliginde ornalasqan datchıkterdegi aqparatty Qazgıdromet jańartyp, óńdeıdi. Bul joba almatylyqtardyń qalanyń ekologııalyq ahýalyn bilip otyrýyna múmkindik beredi, – dep habarlady B. Saǵyntaev.

Aqparat 26 datchıkter arqyly jaqyn mańdaǵy LED-ekranǵa túsedi. Mundaǵy málimetter bir kúnde úsh ret jańarady. Qosymsha taǵy 10 monıtorıngtik stansııa qosylatyn bolady.

Málimetter aýanyń negizgi alty kórsetkishinen turady. Olar: RM 2,5 ólshengen bólikteri, kúkirttiń dıkosıdi, azottyń dıkosıdi, azottyń oksıdi, kómirteginiń oksıdi, fenol.

Bul joba Almaty ákimi B. Saǵyntaevtyń tapsyrmasyna sáıkes júzege asyp otyr jáne qalanyń ekologııalyq ahýalyn jaqsartýdyń keshendi sharalarynyń biri.

Eske salsaq, ekologııalyq aqparatqa qoljetimdilik quqyǵy Qazaqstan Respýblıkasynyń Ekologııalyq kodeksinde aıtylǵan.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir