Mıtıngten habar taratatyn jýrnalısterge jańa ereje usynyldy

Aqparat jáne qoǵamdyq damý mınıstri mıtıngke qatysatyn jýrnalısterge usynylatyn kıimder men jańa qaǵıdalardyń jobasyn qoǵamdyq talqylaýǵa shyǵardy. 

Bekitilgen qaǵıdalardy talqylaý úshin osy siltemege ótińiz.

Pikir qaldyrý

Usynylǵan qaǵıdalar jobasy tómendegideı:

 "Beıbit jınalystarda bolatyn jýrnalıst (buqaralyq aqparat  quraly ókili) qyzmetiniń qaǵıdalary.

1-taraý. Jalpy erejeler

1. Osy Beıbit jınalystarda bolatyn jýrnalıst (buqaralyq aqparat quraly ókili) qyzmetiniń qaǵıdalary (budan ári – Qaǵıdalar) «Buqaralyq aqparat quraldary týraly» 1999 jylǵy 23 shildedegi Qazaqstan Respýblıkasy Zańynyń (budan ári – Zań)  4-3-baby 13-4) tarmaqshasyna sáıkes ázirlendi  jáne beıbit jınalystarda bolatyn jýrnalısttiń (buqaralyq aqparat quraly ókiliniń) (budan ári – jýrnalıst) qyzmet tártibin aıqyndaıdy.

2. Jýrnalıst beıbit jınalystarda buqaralyq aqparat quraly úshin habarlamalar men materıaldar jınaý, olardy óńdeý jáne ázirleý boıynsha  óz qyzmetin júzege asyra otyryp, Qazaqstan Respýblıkasynyń zańdarynda kózdelgen quqyqtarǵa ıe bolady jáne mindetterdi atqarady.

2-taraý. Beıbit jınalystarda bolatyn jýrnalısttiń qyzmet tártibi

3. Beıbit jınalystarda buqaralyq aqparat quraly úshin habarlamalar men materıaldar jınaý, olardy óńdeý jáne ázirleý boıynsha óz qyzmetin júzege asyrý kezinde jýrnalısttiń ózimen birge jýrnalıst kýáligi bolady, sondaı-aq ol Zańnyń 4-3 babynyń 13-4) tarmaqshasyna sáıkes bekitilgen nysany boıynsha bir nemese birneshe aıyrym belgilerin taǵýdy júzege asyrady.

4. Jýrnalısttiń kásibı qyzmetin qamtamasyz etý úshin (suhbat alý, brıfıngter) mynadaı jaǵdaılarda jergilikti atqarýshy organ jýrnalıstterdi Buqaralyq aqparat quraldary úshin jedel baspasóz ortalyǵymen qamtamasyz etý boıynsha sharalar qabyldaıdy.

1) eger beıbit jınalystar ótkizý týraly habarlamada nemese kelisýdi alý týraly ótinishte málimdelgen beıbit jınalysqa qatysýshylardyń boljaldy sany 200 adamnan assa;

2) buqaralyq aqparat quraldarynyń jergilikti atqarýshy organǵa jiberetin suraý salýy boıynsha.

Buqaralyq aqparat quraldarynyń suraý salýy beıbit jınalys ótkiziletin kúnine deıin bir jumys kúninen keshiktirilmeıtin merzimde jýrnalıstterdiń sanyn kórsete otyryp, erkin nysanda jiberiledi.

5. Jedel baspasóz ortalyǵy mynadaı sharttarǵa saı keletin oryn bolyp tabylady:

1) lentamen shekteý;

2) foto-, beınetúsirilim jasaý jáne suhbat alý úshin jetkilikti kórinýdi qamtamasyz etý;

3) elektrmen jabdyqtaýdy qamtamasyz etý;

4) jýrnalıstterdiń qaýipsizdigin qamtamasyz etý úshin Jedel baspasóz ortalyǵynda ishki ister organdarynyń keminde bir qyzmetkerin bekitý. 

6. Jýrnalıst beıbit jınalystarda buqaralyq aqparat quraly úshin habarlamalar men materıaldardy jınaý, olardy óńdeý jáne ázirleý boıynsha óz qyzmetin Jedel baspasóz ortalyǵynyń aýmaǵynda da, odan tys jerlerde de júzege asyrady.

7. Jergilikti atqarýshy organ beıbit jınalysty ótkizý kezinde óz ókiliniń (budan ári – О́kil) qatysýyn qamtamasyz etedi.

8. О́kil mynadaı fýnksııalardy júzege asyrady:

1) jýrnalıstterdiń ótinishi boıynsha olardy Jedel baspasóz ortalyǵyna alyp barady;

2) jýrnalıstterdiń qaýipsizdigin qamtamasyz etýge baǵyttalǵan sharalardy túsindiredi;

3) jýrnalıstterge beıbit jınalystyń uıymdastyrýshylary men qatysýshylarynan suhbat, túsinikteme alýǵa járdemdesedi;

4) beıbit jınalysta kóterilgen máseleler boıynsha anyq aqparat alý úshin memlekettik organdardyń buqaralyq aqparat quraldarymen ózara is-qımyl jasaý jónindegi ýákiletti tulǵasynyń (bólimshesiniń) baılanys derekterin beredi.

9. Jýrnalıstterge kásibı qyzmetin júzege asyrýǵa kedergi keltiretin adamdar Qazaqstan Respýblıkasynyń zańdarynda kózdelgen jaýaptylyqta bolady.