Ashyq derekkóz
Elordada koronavırýs juqtyrǵan analar 17 náresteni dúnıege ákeldi. Bul týraly Nur-Sultan qalalyq qoǵamdyq densaýlyq saqtaý basqarmasynyń basshysy Sáýle Qısyqova málimdedi.
– Qazirge deıin qalanyń ınfeksııalyq stasıonarlarynda koronavırýs juqtyrǵan analar 17 náresteni dúnıege ákeldi. Jalpy, Nur-Sultan qalasynda ınfeksııaǵa shaldyqqan 112 júkti áıel tirkeldi. Onyń ishinde stasıonarlarda 78 júkti áıel bar, – dedi S. Qısyqova.
Sonymen qatar, qazirgi jaǵdaıǵa baılanysty atqarylyp jatqan sharalarǵa toqtaldy.
– Qazirgi kezde jumyldyrylǵan stasıonarlar sany 10-ǵa jetti. Qosymsha provızorlyq stasıonarlardaǵy oryndar sany 300-den 705-ke deıin jetkizildi. Búgin jumys kúni aıaqtalǵanǵa deıin bólek perzenthanyny nemese COVID-perınataldyq ortalyqty ashý kózdelgen. Iаǵnı, osy is qaıta beıindeý esebinen júzege asyrylady, – dedi basqarma basshysy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir