• USD 412.55
  • EUR 465.73
  • RUB 5.79
  • CNY 58.91

17 Maýsym, 2020 NEWS

Halyqaralyq uıym Qazaqstan bıligin Ásııa Tólesovany bosatýǵa shaqyrdy

Azattyq

Halyqaralyq Amnesty International (AI) adam quqyǵyn qorǵaý uıymy azamattyq belsendi Ásııa Tólesovanyń negizsiz qamaýda otyrǵanyn aıtyp, bılikti ony bosatýǵa shaqyrdy, dep jazady Azattyq

Bılik Ásııa Tólesovany 6 maýsym kúngi narazylyq kezinde polıseıdiń "ar-namysyna tıdi" jáne "kúsh qoldandy" dep aıyptaǵan. 10 maýsymda Almaty qalasynyń tergeý soty Tólesovany 10 kúnge qamady. Ol úsh jylǵa deıin bas bostandyǵynan aırylýy múmkin.

16 maýsymda jarııalanǵan málimdemede quqyq qorǵaý toby Tólesovany qamaý Qazaqstannyń adam quqyǵy salasynda alǵan mindettemeleri men zańnamasyna qaıshy keledi dep jazdy.

"Ásııa Tólesovany qamaýda ustaý bul asyra siltegendik, ony saıası belsendiligi úshin jazalap otyrǵanǵa uqsaıdy" delingen málimdemede.

6 maýsymda polısııa narazylardy ustap jatqan kezde Tólesova janyndaǵy polıseılerdiń biriniń fýrajkasyn qaǵyp túsirgennen keıin "bılik ókiline kúsh jumsaý" baby boıynsha kúdikke ilindi. Kýágerlerdiń aıtýynsha, azamattyq belsendi oǵan deıin polısııa ustaǵan azamattarǵa arasha túspek bolǵan.

Tólesovanyń ózi jelide "Polısııanyń qoǵamǵa esh qaýip tóndirmeı óz oıyn beıbit jolmen aıtýǵa kelgen qarýsyz jurtqa jasaǵanyn kórgende emosııamdy jasyra almadym" dep jazdy.

9 maýsymda quqyq qorǵaýshylar, azamattyq qoǵam ókilderi prezıdent Qasym-Jomart Toqaevqa hat jazyp, Tólesovany bosatýǵa shaqyrdy. Olar sonymen birge sońǵy birneshe jyl ishinde beıbit jıyn kezindegi polısııanyń áreketin táýelsiz zertteýdi surady.

О́tken aptada Human Rights Watch uıymy da Tólesovany bosatýdy, onyń ústinen qozǵalǵan qylmystyq isti toqtatýǵa shaqyrǵan.

AI uıymynyń pikirinshe, 10 maýsym kúngi kúdikti, advokat, sýdıa jáne prokýror ǵana qatysqan onlaın sot otyrysyn ashyq ótti deýge kelmeıdi.

"Úkimet koronavırýstyń taraýyn shekteý maqsatynda sot prosedýralaryna ózgeris engizýge májbúr bolsa da, bul ózgerister adamdardyń ashyq ári ádil sotqa tartylý quqyǵyn taptamaýy tıis" delingen málimdemede.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir