• USD 412.55
  • EUR 468.66
  • RUB 5.79
  • CNY 58.8

17 Maýsym, 2020 NEWS

Aıagózdegi quıyndy daýyldan 7 adam zardap shekti

qamshy.kz

Shyǵys Qazaqstan oblysynyń Aıagóz aýdanynda joıqyn daýyl kezinde 7 adam zardap shekti. Bul týraly oblys ákimi Danıal Ahmetov  Instagram paraqshasynda jazdy. 

– Keshe keshke Aıagóz aýdanynda jyldamdyǵy sekýndyna 28 metrge jetken ekpindi jel soǵyp ótti. Búgin aýdanda tótenshe jaǵdaı jarııalandy. Orynbasarym B.Baıahmetov bastaǵan arnaıy komıssııa jolǵa shyqty. Oqıǵa ornynda barlyq kommýnaldyq jáne apattyq qyzmetter jumys júrgizýde. Qalpyna keltirý jumystaryn bir apta ishinde aıaqtaýdy tapsyramyn. Qajetti qarajat bólinedi, – dedi D. Ahmetov.

Onyń aıtýynsha tótenshe jaǵdaı saldarynan 72 turǵyn jáne 19 kópqabatty úıler, sondaı-aq 8 ákimshilik ǵımarat zardap shekken.

– Aǵashtar men butaqtardyń qulaýy saldarynan elektr jelileri úzildi. Nátıjesinde 3679 abonent elektr jaryǵynsyz qalǵan edi. Qazirgi ýaqytta kezeń-kezeńimen jaryqty qosyp jatyr. ShQ О́EK-nyń 5 apattyq brıgadasy jaqyn arada qalǵan 700 abonentte jumysty aıaqtaýy tıis. Qalalyq aýrýhanaǵa túrli dárejedegi jaraqattarmen 7 adam júgingen. Qazir jaǵdaılary turaqty, stasıonarda bir naýqas jatyr, – dep jazdy oblys basshysy.

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir