• USD 468.56

  • EUR 497.56

  • RUB 7.3

  • CNY 67.18

28 Naýryz, 16:05:56
Almaty
+35°

Qazaqstan Prezıdenti Ákimshiliginiń kelisimi boıynsha Jambyl oblysy ákiminiń orynbasary bolyp Almas Mádıev taǵaıyndaldy. Ol kásipkerlik pen ındýstrııalyq damý, áleýmettik qorǵaý jáne jumyspen qamtý, eńbekti qorǵaý jáne tabıǵı resýrstar salalaryna jetekshilik etedi,  dep habarlaıdy oblys ákimdiginiń baspasóz qyzmeti.

Osyǵan deıin bul qyzmetti kúni keshe Shý aýdanynyń ákimi bolyp taǵaıyndalǵan Nurjan Kalenderov atqarǵan bolatyn.

Almas О́skenbaıuly Mádıev 1972 jyly Jambyl oblysynda dúnıege kelgen. Jambyl jeńil jáne tamaq ónerkásibi tehnologııalyq ınstıtýtyn "Injener-ekonomıst", 2000 jyly Q. A. Iаssaýı atyndaǵy Halyqaralyq Qazaq - Túrik ýnıversıtetin "Quqyqtaný"mamandyǵy boıynsha bitirgen.

Eńbek jolyn 1994 jyly Jambyl tehnologııalyq ınstıtýtynyń oqytýshysy bolyp bastaǵan. Ár jyldary Jambyl oblysy ákiminiń kómekshisi, Jambyl oblysy ákimdiginiń ekonomıka jáne bıýdjettik josparlaý basqarmasynyń jetekshi mamany, Jambyl oblysy ákimi apparatynyń qarjy jáne áleýmettik qorǵaý bóliminiń meńgerýshisi, Jambyl oblysy ákimdiginiń ekonomıka jáne bıýdjettik josparlaý, kásipkerlik jáne ónerkásip basqarmalarynyń bastyǵy qyzmetterin atqardy.

2009-2014 jyldary - "Ońtústik "ÁKK "UK" AQ qarjy dırektory, basqarýshy dırektory, Basqarma tóraǵasynyń orynbasary, "Qazaqstannyń ınvestısııalyq qory" AQ qarjy departamentiniń dırektory, "Pavlodar "ÁKK" UK"AQ Basqarma tóraǵasy.

2014-2017 jyldary-Jambyl oblysy ákimdiginiń kásipkerlik jáne ındýstrıaldy-ınnovasııalyq damý basqarmasynyń basshysy, Almaty qalasy Kásipkerlik jáne ındýstrıaldy-ınnovasııalyq damý basqarmasynyń basshysy.

2017 jylǵy qyrkúıekten 2019 jylǵy aqpanǵa deıin - Almaty qalasy ákiminiń orynbasary, 2019 jylǵy aqpannan bastap shildege deıin - "Almaty" ÁKK AQ Basqarma tóraǵasy qyzmetterin atqarǵan.

2020 jylǵy aqpannan qazirgi ýaqytqa deıin - Jambyl oblysy ákimi apparatynyń basshysy bolyp keldi.

"Qamshy" silteıdi
Ilmek sózder: Qazaqstan Jambyl oblysy

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir