• USD 405.69
  • EUR 455.51
  • RUB 5.72
  • CNY 57.42

16 Maýsym, 2020 Aımaqtar

Mańǵystaýdyń  Beıneý aýdanyna 5-shi dárigerlik brıgada jiberiledi

qamshy.kz

Bul týraly brıfıngte Mańǵystaý oblystyq densaýlyq saqtaý basqarmasynyń basshysy Jamal Jamanbaeva málimdedi. Bul dert belgileri sımptomdyq jáne sımptomsyz dep ekige bólinedi.

«Bizdiń óńirde vırýstyń sımptomdyq túrine shaldyqqan 379 adam bar. Aqtaý qalasynda 105, Jańaózende 38, Túpqaraǵan aýdanynda 6, Qaraqııa aýdanynda 47, Mańǵystaý aýdanynda 14, Munaıly aýdanynda 22, Beıneý aýdanynda 147 naýqas tirkeldi. Onyń ishinde 14 jasqa deıingi balalardyń sany 49-dy quraıdy. Syrttan kelip tirkelgen naýqastar alty adam. Jergilikti jerden 147 aýrý azamat anyqtaldy. Syrqattarmen jaqyn qarym-qatynasta bolǵan 226 adam tirkeldi» - dedi J.Jamanbaeva.

Qazirgi tańda oblys kóleminde ınfeksııalyq stasıonarlar jumys istep tur. Aqtaýdaǵy stasıonarda 66 adam, Beıneý aýdanynda 39, Jańaózen qalasynda 39 adam emdik sharalaryn qabyldap jatyr.

«Al, Aqtaýdaǵy provızorlyq stasıonarda 153 adam bar. Shetpe aýylynda 4 adam, Jetibaıda 4 adam, Jańózende 11, Beıneý aýdanynda 59 adam emdelýde. Qazirgi ýaqytta bul aýrýdy juqtyrý negizinen jaqyn qarym-qatynas esebinen tirkelip jatyr. Bul rette 47,8 prosentke jetip otyr. Bul óte joǵary kórsetkish. Sonyń ishinde bizdi alańdatyp otyrǵany Beıneý aýdanyndaǵy ahýal. Álgi aýdanǵa 6 mamyr kúni oblys ákiminiń orynbasary Q.Jumashev, 18 mamyr kúni oblys ákiminiń orynbasary N.Qılybaev bastaǵan mamandar, 4 dárigerler brıgadasy barǵan bolatyn. Bul brıgadalar sol jerde jumys jasap keldi. Qosymsha ashylatyn stasıonarlardy tekserip, karantın ýaqytynda atqarylyp jatqan is-sharalarmen tanysty. Medısınalyq qural-jabdyqtar men jeke qorǵanysh quraldar qorynyń jetkilikti ekendigine kóz jetkizýge basa mán berildi» - dedi óńirlik densaýlyq saqtaý basqarmasynyń basshysy.

Vedomstvo jetekshisiniń sózinshe, jýyq arada 5-shi dárigerlik brıgada Beıneý aýdanyna jiberiledi. Aq halatty mamandar qazir soǵan daıyndyq ústinde.

О́kinishke qaraı, Covid-19 dertine shaldyqqandardyń arasynda medısına qyzmetkerleri de bar. Naýqastarǵa emdeýge jumylǵan 61 mańǵystaýlyq dárigerden osy syrqat belgileri anyqtaldy. Onyń 29-y qazir aýrýhanada jatyr. Taǵy 21-i jazylyp shyqqan. Qalǵan 19-y úı jaǵdaıynda baqylaýda ustalyp otyr.

«Osyǵan oraı barlyq azamattardy jeke karantın erejelerin qatań saqtaýǵa shaqyramyn. Toı-sadaqa, basqa da sharalarǵa baryp júrgen adamdar bar. Bul, ózine de, jaqyndarynyń ómirine qaýipti. Qoǵamdyq orynda, jabyq keshende múmkindiginshe arqashyqtyq saqtap, betperde taǵyp júrý kerek. Keńse qyzmetkerleriniń úıden jumys jasaýyna aýysqany abzal. Týǵan-týystaryńyzben telefon, beıneqońyraý arqyly sóıleskenińiz durys. Beti-qolyńyzdy jıi sabyndap jýyp, sanıtaızerlermen súrtip júrý mańyzdy. О́zińizdiń jáne otbasy músheleriniń dene temperatýrasyn jıi ólshep turyńyz. Eger de, boıyńyzdan álsizdik, bas aýyrýy, tamaq aýyrsa, dene qyzýy kóterilse dereý dárigerge habarlasý kerek. Úıde otyryp emdelýge bolmaıdy. Osyny este saqtańyzdar» - deıdi Mańǵystaý oblystyq densaýlyq saqtaý basqarmasynyń basshysy Jamal Jamanbaeva.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir