Mańǵystaý oblysynyń týrıstik tólqujaty ázirlendi

Mańǵystaý oblysy ákimdiginde ótken apparattyq jıynda oblys ákiminiń orynbasary Nudaýlet Qılybaı Mańǵystaýdyń týrıstik áleýetin ilgeriletý maqsatynda, biregeı brend-býk jasaqtalyp, logotıpi ázirlengendigin habarlady.

Brend-býkta Aqtaý qalasynyń týrısterge arnalǵan jolkórsetkishi, shahardyń týrıstik kartasy men teńiz jaǵalaýy jaǵajaı aýmaǵynyń kartasy jasaqtaldy. Sondaı-aq býklette óńirdiń jáne Aqtaý qalasynyń 10 kórikti jerleri, qyzmet kórsetetin mekemeleri t.b. aqparattar ornalasqan.

Aqtaý avtobýs marshrýttary, sýretke túsetin oryndar, keme saıahattaý aıaldamalary, demalys oryndarynyń aqparaty barlyǵy derlik ornalasqan. Aqtaý qalasynyń áýejaıynda qonaq úılerinde aqparattyq taqtashalar ornalastyrý jumystary bastaldy. Aqparattyq taqtashalarda týrısttik operatorlar ózderiniń týr marshrýttaryn usynatyn bolady.

«Visitmangystau.kz» saıty, ınstagramm, feısbýk paraqshalary iske qosyldy, munda Mańǵystaý oblysy men Aqtaý qalasynyń kórikti jerleri, týrısterge qajetti barlyq aqparat engizilgen jáne jyl ishinde aqparatpen tolyqtyrý jalǵastyrylady. Sonymen qatar qaladaǵy aıaldamalarda aımaqtyń, shahardyń kórikti jerleri týraly aqparattardy ornalastyrý usynyldy. «Kaspıı» áleýmettik-kásipkerlik korporasııasy» mekemesiniń Aqtaý-Áýejaı baǵytyndaǵy jolaýshylar avtobýsyna, jańadan keletin avtobýstarǵa bezendirý usynylady.

Sonymen qatar Aqtaý-Áýejaı baǵytyndaǵy jolaýshylar avtobýsyn, jaǵajaı aýmaǵyna deıin sozý jumystary júrgizilýde.

Týrızm salasyndaǵy tyń ıdeıalardy oblys ákimdigi árqashan qoldaýǵa daıyn ekendigin, týrıstik jobalardyń bastamashylaryna barynsha kómek kórsetiletindigi aıtyldy.