• USD 468.56

  • EUR 497.56

  • RUB 7.3

  • CNY 67.18

29 Naýryz, 05:21:15
Almaty
+35°

Mańǵystaý oblysynyń Qaraqııa aýdanynda «Jumyspen qamtý-2020 jol kartasy» aıasynda 25 nysandy salý jáne jóndeý jumystary júrip jatyr. Muny qoǵamdyq kommýnıkasııa ortalyǵynda ótken brıfıngte Qaraqııa aýdany ákiminiń orynbasary Gúlmıra Qylaýbaeva málimdedi. Aıtýynsha, memlekettik baǵdarlama boıynsha Qaraqııaǵa qaralǵan qarjy kólemi 4 mlrd 717 mln teńge.

-«Onyń ishinde aǵymdaǵy transfertten 7 jobaǵa 792 mln teńge qaralyp otyr. Qalǵan 18 jobaǵa memlekettik baǵaly qaǵazdar esebinen 3 mlrd 924 mln ,9 mln tg.-18 joba) 925 mlndaı teńge jumsalady. Osydan únemdelgen qarjy 412 mln 200 myń teńgeni quraıdy. Maýsym aıyna 759,8 mln teńge josparlandy. Onyń 119 mlnǵa jýyǵy ıgerildi» - dedi G.Qylaýbaeva.

Endi memleket qarajatynyń qaıda jumsalatyn aıtaıyq. Quryq aýylynda  qoldanystaǵy jáne jańa shaǵyn aýdandarda káriz jelilerin salýǵa 91,6 mln, «Aqtaý-Quryq 2-SIOT» sorǵy stansııasynyń qurylysyna 26,7 mln teńge qaralǵan. Alaıda osy maqsattarǵa josparlanǵan aqsha respýblıkalyq bıýdjetten áli aýdarylmaǵan.

Budan bólek Quryq aýyldyq № 4 orta mektep, Senek pen Bostandaǵy mádenıet úıleriniń aǵymdaǵy jóndeý jumystary, Quryq aýylishilik avtomobıl joldary men sý qubyrlarynyń aǵymdaǵy jóndelýine 90,1 mln teńgege ótinim berilip qoıylǵan.

-«1128 jańa jumys orny qurylady dep kútilýde. Onyń ishinde 565 adam aýdandyq jumyspen qamtý ortalyǵy arqyly álgi jobalardyń qurylysyna tartylatyn bolady. Qazirgi tańda 360 turaqty tabys kózin tapty. Jumysshylarǵa aılyq jalaqy kólemi 115 myńnan 250 myń kóleminde dep bekitildi. Ortasha eńbekaqy 150 myń teńge» - deıdi Qaraqııa aýdany ákiminiń orynbasary.

Spıkerdiń sózinshe, Jetibaı aýylyndaǵy ákimshilik ǵımaratty «Oqýshylar ortalyǵyna» aınaldyrý maqsatyna 138 mln, 200 myń teńge qaralǵan. Qurylys 5 aıda aıaqtaý kózdelgen. Baǵdarlama boıynsha 40 jumys orny qurylýy kerek.  Ázirge 20 azamat jumyspen qamtý ortalyǵy arqyly eńbekke jumylǵan.

Al Eraly stansasynda №2 bastaýysh mektepke japsarjaı salýǵa 308,6 mln qaralyp tur. Atalǵan joba boıynsha 50 jumys orny qurylady. Ázirge qabyldanǵany 14 adam.

Jumyspen qamtý ortalyǵyna tirkelgen 5 adamǵa  joldama berildi. Taǵy 20 adamǵa suranys kelip tur.

Jetibaıda №8 orta mektepti aǵymdaǵy jóndeýge quny 26,6 mln teńgege kelisim-shart jasaqtaldy. Baǵdarlama boıynsha qurylatyn jumys oryn 10, onyń ishinde  jumyspen qamtý ortalyǵy arqyly 5  adam qabyldandy. Ortasha eńbekaqy 100 myń teńge.

Bostandaǵy Qaraqudyq orta mektebin aǵymdaǵy jóndeýge 33,8 mln teńgege kelisim-shart jasaqtaldy. Bul rette 11 jumys orny qurylǵan. 6 azamat ortalyq arqyly keldi.

Senektegi Qashaǵan orta mektebin aǵymdaǵy jóndeýge 30,2 mln teńgege kelisim shart jasaqtaldy. Baǵdarlama talaby boıynsha qurylatyn jumys oryn sany 10, onyń ishinde jumyspen qamtý ortalyǵy arqyly 7 adam jumysqa qabyldandy.

Jetibaıdaǵy №4 orta mekteptiń eski ǵımaratyna jáne sport zalyna aǵymdaǵy jóndeý jumystaryna 234 mln teńgege  kelisim shart jasaqtaldy. Jóndeý qarqyndy júrip jatyr. Baǵdarlama boıynsha qurylatyn jumys oryn sany 100, onyń ishinde ortalyqta tirkelgenderden 50 adam jumysqa kirdi.

Bul jobada mamyr aıyna josparlanǵan 70,2 mln teńge tolyq ıgerildi. Qalǵany qarasha-jeltoqsanǵa ornalastyrylǵan. Maýsym-shilde aılaryna yǵystyrýǵa qosymsha ótinim beriledi. Budan únemdelgen qarjyny bastaýysh mekteptiń shatyryn, jylý júıesi men qazandyǵyn, órt qaýipsizdigi júıesi men sıgnalızasııalaryn tolyq aýystyrý jáne abattandyrý jumystaryn júrgizý úshin qosymsha kelisim-shart jasalýy kerek.

Senek pen Bostandaǵy mádenıet úılerin aǵymdaǵy jóndeýge 28,2 mln teńgege kelisim shart endi jasaqtalady. Baǵdarlama boıynsha qurylatyn jumys oryn sany 10, onyń ishinde jumyspen qamtý ortalyǵy arqyly 5 adam qabyldanady.

-«Sondaı-aq Qaraqııa kásiptik kolledjin aǵymdaǵy jóndeýge 19,3 mln teńgege, Quryqtaǵy aýdandyq aýrýhana jáne emhana ǵımaratyn aǵymdaǵy jóndeýge 110,4 mln teńgege, Jetibaıda  modýldi kárizdik tazartý ǵımaratyn ornatýǵa 230 mln teńgege, Quryqta qoldanystaǵy jáne jańa shaǵyn aýdandarǵa aýylishilik káriz jelisin tartýǵa  334,9 mln teńgege, Quryqta sý qubyrlaryn aǵymdaǵy jóndeýge 67,2 mln teńgege, Aqtaý-Quryq sý aıdaý stansasynyń qurylysyna 90,5 mln teńgege, Sarja jerinde ornalasqan kýrorttyq aımaqqa sorǵy stansııasynan sýmen jabdyqtaýǵa 579 mln teńgege, Jetibaıda aýylishilik avtomobıl joldaryn ortasha jóndeýge 205 mln teńgege, Munaıshyda aýylishilik avtomobıl joldaryn ortasha jóndeýge 76,2 mln teńgege, Quryqta avtomobıl joldaryn ortasha jóndeýge 141,1 mln teńgege, «Ata joly» avtomobıl jolynyń 0-51 shaqyrymyn qaıta qurylymdaýǵa 650 mln teńgege, osy trassanyń 51-97 shaqyrymyn salýǵa  445 mln teńge qarjy qaralyp tur. Osy rette 400-ge jańa jumys orny qurylýy kerek» - deıdi G.Qylaýbaeva.

Onyń aıtýynsha, Munaıshy aýylynda gaz jetpegen turǵyn úılerge jeli salýǵa, Quryqta "Karer" kóshesiniń turǵyn úılerine gaz qubyryn tartýǵa, Jetibaıda keıbir úılerge gaz tartýǵa,  Qulandy aýylynda avtomobıl joldaryn salýǵa, Munaıshyda avtomobıl joldarynyń qurylysyna oblystyq bıýdjetke túzetýler engizilmegen. Osy oraıda qarjy jospary áli jasaqtalmaı keledi.

"Qamshy" silteıdi
Ilmek sózder: Qazaqstan

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir