• USD 412.55
  • EUR 465.73
  • RUB 5.79
  • CNY 58.91

16 Maýsym, 2020 NEWS

Bergeı Rysqalıevtiń tárkilengen múlki qaıtarylatyn boldy

Foto: datnews.info

Qazaqstan shetelde turatyn, jemqorlyq aıybymen syrttaı sottalǵan Atyraý oblysynyń burynǵy ákimi Bergeı Rysqalıevtiń otbasy men jaqyndarynan tárkilengen múliktiń "bir bóligin" qaıtarady. Bul týraly Azattyqqa Joǵarǵy sottyń baspasóz hatshysy Aıdos Sádýaqasov málimdedi.

Buǵan deıin Ratel.kz saıty eldiń Bas prokýratýrasy Joǵarǵy sotqa kassasııalyq shaǵym túsirip, Bergeı Rysqalıev pen onyń aǵasy Amanjan Rysqalıevke shyqqan úkimdi qaıta qaraýdy suraǵanyn jazǵan.

"Bas prokýratýra Rysqalıevter memleket múlkin qylmystyq jolmen talan-tarajǵa salǵany úshin olardyń múlki zańdy túrde tárkilendi. Buǵan qosa, tárkileý kezinde olardyń áıelderi men týysqandary zardap shegip, múlkinen zańsyz aıyrylǵan dep sanaıdy" dep jazdy Ratel.kz saıty.

Azattyq radıosyna pikir bergen Joǵarǵy sottyń baspasóz hatshysy Aıdos Sádýaqasov Bas prokýratýranyń shaǵymymen Joǵarǵy sot keliskenin rastady.

– 16 maýsym kúni Bas prokýratýranyń kassasııalyq shaǵymyn Joǵarǵy sottyń qylmystyq ister jónindegi alqasy qarap, tolyq kólemde qanaǵattandyrdy. Sot aktisi áli daıyndalyp jatyr. Prosestik zańnama boıynsha sot aktisi 5 kún ishinde ázirlenedi. Sot aktisi sot kabıneti servısine salynady. Sol jerden tanysýǵa bolady, –  dedi ol.

Bergeı Rysqalıev 2006-2012 jyldary Atyraý qalasy men Atyraý oblysynyń ákimi qyzmetin atqarǵan. 2013 jyly eks-ákimge "asa iri kólemdegi bıýdjet qarjysyn jymqyrdy jáne jáne qylmystyq top qurdy" degen aıyp taǵylǵan. Tergeý bes jylǵa jalǵasty. 2019 jyly Qazaqstan soty Bergeı Rysqalıevti 17 jylǵa, onyń aǵasy Armanjan Rysqalıevti 16 jylǵa syrttaı sottaǵan. Olardyń quny mıllıardtaǵan teńge turatyn dúnıe-múlkin tárkilegen.

Ilmek sózder: Bergeı Rysqalıev

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir