Kórneki sýret
Qarjy mınıstrligi О́ndiristik emes tólemderdi jáne arnaıy salyqtyq rejımderdi ákimshilendirý departamenti dırektorynyń mindetin atqarýshy Dáýlet Jarylǵasynov Qazaqstan aýmaǵyna Armenııadan ákelingen avtokólik salyǵyn tóleý rásimine qatysty azamattardyń suraqtaryna jaýap berdi.
Onyń sózinshe, «Armenııa Respýblıkasynda tirkelgen jekelegen kólik quraldaryn Qazaqstan Respýblıkasyna ákelýdiń jáne paıdalanýdyń keıbir máseleleri týraly» Qazaqstan Respýblıkasy Úkimetiniń 2020 jylǵy 20 mamyrdaǵy №306 qaýlysyna sáıkes basqarýy sol jaqta ornalasqan kóligi bar qazaqstandyqtarǵa Armenııanyń ýákiletti organdarynda tirkelgen jáne 2020 jylǵy 1 aqpanǵa deıin Qazaqstanǵa ákelingen kólikter memlekettik tirkeý úshin alym jáne memlekettik baj tóleı otyryp, zańnamada belgilengen tártippen tirkeledi.
Qarjy mınıstrligi ókiliniń aıtýynsha, kólik quralyn tirkegen jaǵdaıda kedendik tólemderdi, mehanıkalyq kólik quraldaryn alǵashqy tirkeý úshin alymdy jáne kádege jaratý alymyn tóleý qajet emes.
– Qazaqstan aýmaǵynda tirkelgen sátten bastap avtokólikke salyq tólenedi. Sebebi salyq zańnamasyna sáıkes jekemenshik quqyǵy bar jeke tulǵalar kólik salyǵyn tóleýshiler bolyp tabylady, bul rette salyq salý obektilerine QR-da tirkelgen jáne (nemese) esepte turǵan avtokólik quraldary jatady, – dep qorytty D.Jarylǵasynov.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir