Úsh úndi sarbazy Qytaı áskeriniń qolynan qaza tapty

Daýly Kashmır aımaǵyndaǵy Ladaka eldi-mekenindegi áskerı qaqtyǵys kezinde Qytaı áskerleri qolynan 3 úndi sarbazy qaza tapty, dep jazdy Zakon.kz.

Qazir eki jaqtyń áskerı sheneýnikteri jaǵdaıdy retteý úshin kelissóz júrgizip jatyr. 

Qytaı SIM ókili Chjao Lıszıannyń aıtýynsha, 15 maýsymda úndi áskerı kúshteri kelisimdi óreskel buzǵan. Zańsyz áreketterge baryp, eki ret shekaradan ótken. Qytaı áskerlerin qolyna qarý alýǵa májbúrlep, arandatqan. Sonyń saldarynan bul jaıt qos taraptyń áskerı qaqtyǵysyna ákelip soqqan. Qaqtyǵys eki el arasyndaǵy shıelenis jaǵdaıynda boldy.

Úndistan buǵan deıin Qytaıdy "Ladak alqabyna myńdaǵan ásker jiberdi" dep aıyptaǵan. Úndistandyq áskerılerdiń ólimi sońǵy eki onjyldyqtaǵy qos derjavanyń qarama-qaıshylyǵy ýshyqqanda týyndaǵan alǵashqy oqıǵa dep sanalady. Osy ýaqytqa deıin 1962 jyly Úndistan jeńiliske ushyraǵan kezde eki el arasynda tek bir ret soǵys boldy.

Qytaı men Úndistannyń arasynda Kashmırdiń soltústigindegi taýly aımaqqa, sondaı-aq Arýnachal-Pradeshtiń soltústik-shyǵys shtatynda 60 myń sharshy shaqyrymǵa ıelik etý týraly uzaq ýaqyttan beri aýmaqtyq daý bar. Naqty basqarý júıesi Ladak aımaǵyna tıesili. 1962 jyldyń kúzinde bul daý shekara soǵysyna ulasyp ketti.

1993 jáne 1996 jyldary Qytaı men Úndistan daýly aýdandarda bitimgerlik kelisimge qol qoıdy. Sońǵy jyldary eki el arasyndaǵy eń iri qarama-qaıshylyq 2017 jyldyń jazynda boldy. Bul kezde Qytaıdan kelgen jumysshylar Qytaı, Úndistan jáne Býtan shekaralarynyń jaqyn mańdaǵy taýly aımaqta ornalasqan Doklam ústirtiniń ústinen tasjol sala bastady. Sodan keıin Býtan bıligi narazylyq bildirdi, buny Qytaı jaǵy elemedi. Osydan keıin Úndistan bul máselege aralasty: onyń áskerleri memlekettik shekaradan ótip, qysqa qaqtyǵystardan keıin QHR áskerı kúshterin ústirtten áketken. Birneshe aıdan keıin, birqatar keńesterden keıin Úndistan men Qytaıdyń syrtqy ister organdary Doklamda áskerı kúshterdi ornalastyrý týraly kelisimge kelgenderin málimdedi.