• USD 468.56

  • EUR 497.56

  • RUB 7.3

  • CNY 67.18

29 Naýryz, 18:07:05
Almaty
+35°

«Nur Otan» partııasynyń Saıası menedjment mektebi partııaishilik praımerızdiń áleýetti úmitkerlerine arnalǵan alǵashqy onlaın-semınaryn  ótkizdi. Eldegi jetekshi saıası partııanyń Pavlodar men Qostanaı oblystaryndaǵy 300-den astam múshesi belgili memleket qaıratkeri Ermuhamet Ertisbaev, Qoǵamdyq saıasat ınstıtýtynyń dırektory Iýlııa Kýchınskaıa, koýcher Janel Sarıeva jáne jýrnalıst Ǵazıza Raıymbekpen birge beınekonferensııa baılanysy arqyly ótken is-sharaǵa qatysty.

Partııalyqtarmen ótken vebınar barysynda Ermuhamet Ertisbaev barlyq ýaqytta da shyndyqty aıtý  – depýtat úshin eń mańyzdy qasıet ekenin atap ótti. Onyń pikirinshe, halyq qalaýlysy óz saılaýshylarynyń ómirin jaqsy jaqqa qaraı  ózgertý úshin qolynan kelgeniniń bárin isteýge tıis. Biraq halyqpen turaqty ashyq baılanys ornatylmasa, jumys jemisti bolmaıdy, dep esepteıdi spıker. 

Sondaı-aq ol «Nur Otan» partııasyndaǵy halyq qalaýlylarynyń barlyq jerde shyn maǵynasyndaǵy naǵyz halyqtyń lıderleri bola bilip, el úmitin aqtap, qalyń buqarany sońynan ertip ákete alýy kerek ekenine toqtaldy.

– Qazir aımaqtyq lıderlerdiń ýaqyty týdy, sizderdiń árqaısyńyz aýdannyń, qalanyń, oblystyń lıderlerine aınalyp, adamdardy óz mańaılaryńa toptastyra bilýlerińiz kerek. Bul – jańa saıası trend, – dedi Ermuhamet Ertisbaev.

Partııaishilik irikteýdi ótkizýdiń erejeleri men praımerızdiń mehanızmi týraly Qoǵamdyq saıasat ınstıtýtynyń dırektory Iýlııa Kýchınskaıa áńgimelep berdi. Spıker praımerız ótkizý kezeńindegi úgit-nasıhat jumysyna basa nazar aýdardy. О́z kezeginde koýcher Janel Sarıeva jeke basynyń bedelin qalyptastyrýdaǵy tájirıbesin aıtyp berse, jýrnalıst Ǵazıza Raıymbek  sheshendik sheberliktiń qupııasy týraly oıymen bólisti.

Vebınardy uıymdastyrýshylardyń aıtýynsha, kúndelikti turmysta paıdalanýda daǵdy bolyp ketken qalypty sheshimder qazir jumys istemeıdi.

– Kópshil tulǵanyń qandaı beınesi sizdi tabysty saıasatker etedi, al qaısysy ondaı ete almaıdy, bul týraly sizder bizdiń semınarymyzdan bile alasyzdar, – dedi Saıası menedjment mektebi dırektorynyń orynbasary Sáýle Baqtymbet.

Eske sala keteıik, Elbasy, «Nur Otan» partııasynyń lıderi Nursultan Nazarbaev bıylǵy 17 tamyzdan 3 qazanǵa deıingi aralyqta praımerız ótkizý týraly Qaýlyǵa qol qoıǵan bolatyn.

Praımerızdiń basty maqsaty – aldaǵy bolatyn Májilis pen barlyq deńgeıdegi máslıhattar saılaýyna partııalyq tizimderdi odan ári qalyptastyrý úshin básekelestik kúres negizinde jańa lıderlerdi anyqtaý.

Jańa pishindegi partııaishilik irikteýge ár partııalyqtyń qatysý múmkindigi qarastyrylǵan. Saıası menedjment mektebiniń onlaın-semınarlary bıylǵy 7 tamyzda aıaqtalady.

Belgili saıasattanýshylar, memleket jáne qoǵam qaıratkerleri, psıhologtar men jattyqtyrýshylar vebınardyń spıkerleri bolady, olardyń ishinde Ermuhamet Ertisbaev, Aıdos Sarym, Rasýl Jumaly, Andreı Chebotarev, Saıasat Nurbek jáne basqalary bar.

Oqytý baǵdarlamasy tórt modýlden turady: partııaishilik irikteý - praımerızdi iske asyrýdyń mehanızmi, praımerız ótkizýdiń halyqaralyq tájirıbesi, bıliktegi depýtattyń róli men orny, depýtattyń beınesi, ımıdj ben minez-qulyqtyń tıimdi modelin jasaý jáne saıası rıtorıka. Sonymen qatar ınteraktıvti talqylaý, toptarda praktıkalyq jattyǵýlar men shyǵarmashylyq tapsyrmalardy oryndaý qarastyrylǵan.

Sabaqtar barlyq tilek bildirýshi partııalastar úshin tegin júrgiziledi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir