Taǵy bir mınıstr óz-ózin oqshaýlady

QR ekologııa, geologııa jáne tabıǵı resýrstar mınıstri Maǵzum Myrzaǵalıev óz-ózin oqshaýlady. Ol koronavırýs juqtyrǵan QR densaýlyq saqtaý mınıstri Eljan Birtanovpen baılanysta bolǵan.

"Maǵzum Maratuly ótken juma kúni Densaýlyq saqtaý mınıstrimen birge ushyp keldi. Sondyqtan baılanysta bolǵan tulǵa retinde ol úıinde oqshaýlandy. Mınıstr test tapsyrdy, nátıjesi teris. Apta sońynda taǵy tapsyratyn bolady. Degenmen, ol barlyq jumys jınalystaryn, kelissózderdi onlaın rejimde ótkizip jatyr" dep habarlady seısenbide mınıstrliktiń baspasóz qyzmeti.

Qazirgi kezde koronovırýs juqtyrǵan mınıstrmen baılanysta bolǵan Asqar Mamın, Berdibek Saparbaev, Ashat Aımaǵambetov oqshaýlanǵan. Tapsyrǵan test nátıjeleri teris shyqqan.