• USD 412.55
  • EUR 465.73
  • RUB 5.79
  • CNY 58.91

15 Maýsym, 2020 NEWS

Jambylda 8-synyp oqýshysy 8 jerden pyshaqtalyp, qaıtys boldy

qamshy.kz

Jambyl oblysynda mektep oqýshylarynyń jappaı tóbelesi kezinde bir jasóspirim kóz jumdy

Qaıǵyly oqıǵa maýsymnyń 12-nen 13-ne qaraǵan túni saǵat 23:40 shamasynda bolǵan. 5 balaǵa 16 jetkinshektiń jabylýy saldarynan, 15 jastaǵy Oralbek Ketebaev 8 jerden pyshaq jaraqatyn alady.

Marqum 00:40 ta emhanaǵa jetkizilip, aýrýhana tóseginde jan tapsyrady. Al, týystary medısınalyq kómek ýaqytyly kórsetilgende bala janyn saqtap qalýǵa bolar edi deıdi.

– Qan joq, qan kerek, qanǵa baratyn adam joq, dep júre bergenshe bir áreket jasamadyńyzdar ma dep aıttym. Meniń qolymnyń ne keregi boldy adam janyn saqtaý úshin. Bireýdiń shyjbaılap tastaǵan sııasy qundy bolyp tur ma adamnyń ómirinen?, – dedi marqum Oralbek Ketebaevtyń ákesi Beısembaı Qutyshev.

Tóbeles kezinde marqumnyń janynda bolǵan aýyl balalarynyń aıtýynsha, qaqtyǵys mekteptegi fýtbol alańynan bastalǵan. Kúndiz oıyn kezinde qyzǵa tısip, eregesip, keıin jolyǵyp máseleni judyryqpen sheshpek bolǵan. Saldarynan, biri ólip, biriniń muryn súıegi synyp, aýrýhanaǵa jetkizilgen. Taǵy 3-eýi jeńil jaraqat alǵan.

– Biz qýaladyq. Sol kezde tóbeles bastalyp ketti. Oral men Zennaladın degen balany kóterip ana jaqqa qaraı qashtyq. Oral júrip kele jatqanda  jaǵdaıy jaqsy edi. Biraq, jempiriniń bári qan edi. Betine sý shashyp, qan aqqan jerdi basyp turdyq, – dedi Oralbektiń dosy Asqar jáne Sanjar.

Al, aq halattylar Orabek kóp qan joǵaltyp, keýde tusynan alǵan jaraqaty júrek pen ókpeni zaqymdaǵandyqtan aman alyp qala almadyq deıdi.

Ota ústeline aparǵanda jetkinshektiń júregi toqtapty.

Qazirgi ýaqytta bul ispen polısııa aınalysyp jatyr. Tóbeleske qatysqandardyń barlyǵyn ustap, jaýap alyndy.

– Jalpy tóbeleske qatysy barlardyń barlyǵy anyqtalyp, jaýap alynýda. Atalǵan derek boıynsha, qylmystyq kodekstiń 99-baby 2-bólimimen sotqa deıingi tergeý amaldary bastaldy. Kúdikti ustalyp, Taraz qalasynyń ýaqytsha ustaý ızolıatoryna qamaýǵa alyndy. Birqatar saraptamalar taǵaıyndaldy, – dedi Jambyl oblystyq polısııa departamentiniń baspasóz hatshysy Gúlsara Muhtarqulova.

Baýyr eti balasynan aıyrylǵan otbasy endi tergeýdiń adal ótip, kinálilerdiń laıyqty jazalanýyn talap etýde.

 

 

Ilmek sózder: Jambyl oblysy Sot

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir