• USD 412.55
  • EUR 465.73
  • RUB 5.79
  • CNY 58.91

15 Maýsym, 2020 NEWS

N.Nyǵmatýlın UQShU Parlamenttik Assambleıasynyń otyrysynda sóz sóıledi

Sýretti túsirgen J.Quspanov

Májilis Tóraǵasy Nurlan Nyǵmatýlın Ujymdyq qaýipsizdik týraly shart uıymy Parlamenttik Assambleıasy Keńesiniń otyrysyna vıdeokonferensııa rejıminde qatysty.

Keńestiń kezekti kóshpeli otyrysy Dýshanbede ótýi kerek bolatyn. Alaıda, koronavırýs indetine baılanysty kún tártibindegi máseleler beınekonferensııa rejıminde talqylandy.

Otyrysqa Armenııa, Belarýs, Qazaqstan, Qyrǵyzstan, Reseı jáne Tájikstannyń Parlament spıkerleri, sondaı-aq, Serbııa men Aýǵanstan Parlamentinen UQShU PA baqylaýshylary qatysty.

Qatysýshylar Parlamenttik Assambleıanyń 2021-2025 jyldarǵa arnalǵan is-sharalar baǵdarlamasynyń jobasyn qarady.

Otyrysta sóz sóılegen Májilis Tóraǵasy Nurlan Nyǵmatýlın qujat normatıvtik-quqyqtyq bazany keńeıtýge jáne ǵylymı-ádistemelik qamtamasyz etýdi jetildirýge baǵyttalǵan kóptegen taqyryptar men baǵyttardy qamtıtynyn atap ótti.

Baǵdarlama jobasy UQShU PA turaqty komıtetterinde jáne ulttyq parlamentterde qaralady.

– Modeldik zańnamany ázirleý kezinde Ujymdyq qaýipsizdik týraly shart uıymynyń ustanymdary men maqsattaryn jáne UQShU Jarǵysyn basshylyqqa alyp, sondaı-aq, Uıymǵa múshe memleketterdiń ulttyq zańnamalaryn eskerý qajet, –  dedi Nurlan Nyǵmatýlın.

Sonymen qatar, jıynǵa qatysýshylarǵa UQShU Ujymdyq qaýipsizdik keńesiniń kúzgi sessııasynyń qorytyndylary, Uıymnyń jaýapkershilik aıasyndaǵy ahýaly, ujymdyq qaýipsizdikke tónetin qaterler men qaýipterge qarsy is-sharalar jáne UQShU aıasynda jasalǵan halyqaralyq sharttardy ratıfıkasııalaý týraly aqparat berildi.

Májilistiń Baspasóz qyzmeti

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir