• USD 405.69
  • EUR 455.51
  • RUB 5.72
  • CNY 57.42

12 Maýsym, 2020 NEWS

Alakóldegi 14 demalys orny jumys isteýge ruqsat aldy

ShQO aqparat ortalyǵy

5 maýsymnan bastap arnaıy úsh monıtorıngtik top Alakóldiń shyǵys jaǵalaýynda ornalasqan týrıstik nysandardyń koronavırýs jaǵdaıyndaǵy jazǵy maýsymǵa daıyndyǵyn tekserýde.
 
Demalys oryndarynyń basshylary ShQO ákimi Danıal Ahmetovti qoldap, monıtorıngtik toppen birge sanıtarlyq-epıdemıologııalyq talaptardyń qatań saqtalýyn tekserýge kiristi.
 
– Oblys ákimi Danıal Ahmetovpen kezdesý ótti. Kezdesý barysynda aımaq basshysy bizge demalys oryndaryn toltyrýdyń jańa jolyn aıtty. Sondaı-aq  monıtorıngtik toppen birge jumys isteýdi usyndy. Endi biz top múshelerimen birge demalys oryndarynyń qonaqtardy qarsy alýǵa qanshalyqty daıyn ekenin tekserip jatyrmyz. О́ıtkeni demalýshylar men qyzmetkerlerdiń densaýlyǵy biz úshin birinshi orynda, – dedi «Injý» jáne «Alakól Arasan» demalys oryndarynyń ıesi Anar Batymova.
a
 
Reıdtiń qortyndysy boıynsha, 60 demalys orny ishinara daıyn ekeni anyqtaldy. Qazir osy 60 demalys ornynda sanıtarlyq-epıdemıologııalyq normalardy saqtaý jumystary júrgizilýde.  14 demalys ornyna daıyn degen akti berildi. Atalmysh demalys oryndarynda kelýshilerdiń 50 paıyzy (712 adam) ornalasa alady. 101 demalys orny daıyndyqty ázirshe bastaǵan joq. Sebebi bul demalys oryndarynyń deni 2-3 jaǵalaýlarda ornalasqan. Sáıkesinshe, olar 20 maýsymǵa taman ashylady.
 
–  Biz barlyq sanıtarlyq-epıdemıologııalyq talaptardy oryndap, resmı túrde jumys isteýge ruqsat aldyq. Árbir shyǵaberis esikte sanıtaızerler qoıylyp, áleýmettik qashyqtyq saqtalǵan. Qorǵanys quraldary da bar. Bizde 100 paıyz qaýipsiz dep aıta alamyz. Qazaqstandyqtarǵa ótinishim bar, jedel testten ótkenińiz týraly anyqtamany umytpaı ala kelýlerińizdi suraımyz, – dedi «Parýs» demalys ornynyń ıesi Janna Ramazan.
 
Kásipkerler Alakól jaǵalaýyndaǵy qaýipsizdikti qamtamasyz etý mańyzdy ekenin túsinedi. Olar osy baǵyttaǵy atqarylatyn jumystarǵa úlken jaýapkershilikpen qaraıdy.
 
– Demalys ornyn ashpastan buryn arnaıy dezınfeksııalyq quraldar, dezınfeksııalyq  kilemder, qolǵa arnalǵan antıseptıkter, maskalar men bas kıimder alyndy. Sonymen qatar demalýshylar qaýipsizdik sharalaryn bilsin dep jadnamalar shyǵardyq. Bizdiń basty mindet – adamdardyń densaýlyǵyn saqtaý. Biz úshin adamdardyń emin-erkin demalýy  mańyzdy. Alakólge kelý úshin COVID-19 testinen ótkeni týraly anyqtamany ala kelý kerek. Bizde munda otbasymyzben kelý úshin test tapsyrdyq, – dedi «Rassvet» demalys ornynyń ákimshisi Tatıana Kalýgına.
 
ShQO aqparat ortalyǵy
 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir