• USD 412.55
  • EUR 468.66
  • RUB 5.79
  • CNY 58.8

15 Maýsym, 2020 NEWS

Almatyda soqqyǵa jyǵylǵan 79 jastaǵy azamat aryz jazýdan bas tartty

Ashyq derekkóz

Úıine túsken urylar soqqyǵa shyqqan 79 jastaǵy azamat aryzdanbaıtynyn málimdedi. Ol denesiniń kógerýine qulap qalýy sebep bolǵanyn aıtady. Alaıda polısııa jábirlenýshi "tonaýshylar óziniń jaqyny bolǵandyqtan, olardy qorǵap otyrǵan bolýy múmkin" dep sanaıdy.

Aqparat almaty_kris_p instagram paraqshasyna jarııalanǵan.

Oqıǵa Almaty oblysy Jetigen aýylynda bolǵan. Belgisiz er men áıel zeınetkerdiń úıine tereze arqyly kirgen. 

"Áje uıqydan oıanyp, halatyn kıip jatqanda basynan soqqy alǵan. Tonaýshylar úıden aqsha urlaǵan. Urylar aýyr soqqydan ólgen bolýy kerek dep ájeni Nura aýylyna aparyp tastaǵan. Sol mańnan ótip bara jatqan jedel járdem qyzmetkerleri soqqyǵa jyǵylǵan ájeni kórip, aýrýhanaǵa jetkizgen. Qazir áje Ile aýdandyq ortalyq aýrýhanasynyń travmatologııa bólimshesinde jatyr", delingen áleýmettik jelidegi habarlamada.  

Almaty oblysy Polısııa departamentindegiler 14 maýsymda Ile aýdandyq ortalyq aýrýhanasyna 79 jastaǵy zeınetkerdiń túskenin rastady.

"Ájeıden suraǵanda jalǵyz ózi turatynyn jáne úıde qulap, jaraqat alǵanyn aıtty. Biraq tergeýshiler buǵan kúmándanyp otyr. Sondyqtan istiń anyq-qanyǵy jiti tekseriledi. Áıel óziniń jaqyndaryn jaqtap otyrǵan bolýy múmkin" dep habarlady polısııa departamentindegiler.

Vedomstvodaǵylardyń dereginshe, zeınetker aryz jazýdan jáne sot-medısına saraptasyn jasatýdan bas tartqan.

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir