• USD 412.55
  • EUR 465.73
  • RUB 5.79
  • CNY 58.91

15 Maýsym, 2020 Suhbat

"Toqaev saıasaty Nazarbaevtikinen bálendeı ózgeshe bolady dep aıta almaımyn"

Elbasy jáne Prezıdent

Lıýka Ancheskı – Glazgo ýnıversıtetiniń Ortalyq Azııany zertteý boıynsha professory. Jaqynda onyń "Analysing Kazakhstan's Foreign Policy. Regime neo-Eurasianism in the Nazarbaev era" ("Qazaqstannyń syrtqy saıasatyna saraptama. Nazarbaev dáýirindegi neoeýrazııashyldyq") atty kitaby jaryq kórgen. Nursultan Nazarbaev qyzmetinen ketkennen keıingi bir jylda Qazaqstannyń ishki-syrtqy saıasatyndaǵy ózgerister jóninde ol Azattyq Radıosyna bergen suhbatynda aıtty.

Sarapshy prezıden saıasaty kóp jaǵdaıda sabaqtastyqqa qurylatynyn atap ótti.

– Toqaev saıasaty munyń aldyndaǵy Nazarbaevtikinen bálendeı ózgeshe bolady dep aıta almaımyn. Kóp jaǵdaıda sabaqtastyqty kóremiz. Tipti onyń siz nazar aýdarǵan Eýrazııa odaǵyna qarsy jarııa málimdemesi – kelissóz taktıkasynyń bir bóligi. Budan jasyryn mán-maǵyna izdemes edim. Tipti Qyrym [anneksııasyna] ashyq qarsy shyǵýdan qashýdyń ózi de – ekeýinen birdeı qashyqtyq ustaý saıasatynyń jalǵasy. Reseı men Qytaıdyń arasyndaǵy tepe-teńdik – óte kúrdeli másele. Úkimet qashyqtyqty saqtaý mindetin óte jaqsy oryndap otyr. Biraq birdeı qashyqtyq ustaý degen – kópvektorlyq emes. Uly derjavalarmen birdeı deńgeıde qarym-qatynasty ustap turý degen olarmen qoıan-qoltyq dostyq ornady degendi bildirmeıdi. Menińshe, bılik "kópvektorlyq" degende Qazaqstannyń usynystardy qabyldaýǵa ashyq ekenin meńzese kerek. Olar muny kópvektorlyq degen soń biz de solaı ataýǵa daǵdylanyp ketkenbiz, – dedi ol.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir