• USD 468.56

  • EUR 497.56

  • RUB 7.3

  • CNY 67.18

29 Naýryz, 11:38:53
Almaty
+35°
Almaty ákimi Baqytjan Saǵyntaev óziniń Instagram-daǵy paraqshasynda megapolıste jumysqa turý júıesiniń qalaı atqarylatyny týraly beınerolık jarııalady.

Beınerolıkte keltirilgen málimet boıynsha aǵymdaǵy jyly qalada 56 myń jumys orny qurylady dep kútilýde. Onyń ishinde 25 myń jumys orny «Jumyspen qamtýdyń Jol kartasy» baǵdarlamasy boıynsha. Osy baǵdarlama aıasynda jol jóndeý, qoǵamdyq keńistikter men basqa da oryndardy abattandyrý jobalary júzege asatyn bolady.

– Jumys izdegen qala turǵyndary qalalyq jumyspen qamtý ortalyǵyna júginedi. "Eki qolǵa bir kúrek izdegen" 27 myń azamattyń 13,5 myńy jumyspen qamtyldy. Olardyń ishinde kúzet kompanııasyna jumysqa turǵan Dına Erekeshova bar, – dep jazdy B. Saǵyntaev.

Rolıkte baıandalǵandaı, D. Erekeshova kóp ýaqyt boıyna jumys taba almaıdy. Sodan Jumyspen qamtý ortalyǵyna júginýdi jón kórip, atalǵan mekemege barady. Munda ol qajetti barlyq keńesterdi alady jáne usynylǵan bos oryndardyń ishinen ózine kerektisin tańdaıdy. Qazirgi kezde almatylyq áıel kúzet agenttigende ákimger bolyp jumys isteýde.

– Bizdegi «Eńbek» nátıjeli jumyspen qamtýdy jáne jappaı kásipkerlikti damytý baǵdarlamasynda úsh baǵyt bar: qoǵamdyq jumystar, áleýmettik jumys oryndary jáne jastar tájirıbesi, – dep habarlady Almaty ákimi.
 
 
"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir