Qytaılyq áskerı sarapshy: Qytaı men AQSh soǵyspaq

Qytaılyq áskerı sarapshy AQSh pen Qytaı arasyndaǵy tikeleı áskerı qaqtyǵys qaýpi týraly eskertti. Bul týraly Qamshy tilshisi The New York Times Post basylymyna silteme jasap habarlaıdy.

– Qytaı men AQSh kez kelgen ýaqytta áskerı soǵysqa kirisýi múmkin, – deıdi qytaılyq jetekshi áskerı sarapshy Vý Shıchýn.

Beıjińdegi áskerı ınsaıder Vý Shıchýn CNN-ge bergen suhbatynda eki derjava arasyndaǵy shıelenisterdiń qalaı basqarylyp jatqanyn jetkizgen. Onyń aıtýynsha, AQSh pen Qytaı arasyndaǵy tosyn áskerı qaqtyǵys jahandyq soǵysty bastaýy múmkin. 

Áskerı sarapshynyń eskertýi álemniń eki iri ekonomıkasy arasyndaǵy shıelenis kúsheıe túsken kezde aıtyldy.

Vý Qytaı men AQSh arasynda tikeleı qaqtyǵys qaýpi sát saıyn kúsheıip jatqanyn jetkizgen. Onyń pikirinshe, Beıjiń soǵysqa ázirligin keńeıtýdi jalǵastyrýda.

– Eki jaq, eger jaqsy basqarylmasa, kezdeısoq apat bolýy múmkin, – deıdi ol.

The New York Times Post-tyń jazýynsha, Qytaı prezıdenti Sı Szınpın ótken aıda Qytaı áskerin tosyn soǵystarǵa daıarlaıtynyn jáne olardyń áskerı daıyndyǵyn kúsheıtetinin málimdegen.