• USD 412.55
  • EUR 465.73
  • RUB 5.79
  • CNY 58.91

13 Maýsym, 2020 NEWS

E. Babaqumarov ınternattardaǵy qyzmet sapasyna monıtorıng júrgizý boıynsha komıssııa qurýdy tapsyrdy

almaty_akimat

Almaty qalasy ákiminiń orynbasary Erjan Babaqumarov vıdeo-konferensııa rejıminde Almatydaǵy ınternattyq uıym basshylarynyń qatysýymen kámelettik jasqa tolmaǵandar jáne olardyń quqyǵyn qorǵaý isi boıynsha qalalyq Vedomstvoaralyq komıssııanyń otyrysyn ótkizdi.

Otyrys jumysyna Almaty qalasynyń máslıhat depýtaty Shavkat Omarov, Almaty qalasy Bilim basqarmasynyń basshysy Lázzat Jylqybaeva, polısııa polkovnıgi, Jergilikti polısııa qyzmeti basqarmasynyń basshysy Manap Sattarov, «Qazaqstannyń balalar úıi túlekteriniń assosıasııasy» ZTU prezıdenti Rafael Gasanov jáne basqalar qatysty.

Komıssııa arnaıy ınternattyq uıymdardyń jumysyn jetildirý, bilim salasynda kórsetiletin qyzmetterdiń sapasyn arttyrý, balalar úıi túlekteriniń jumysqa ornalasýyna járdemdesý, qylmystyń aldyn alý máselelerin qarady.

Qalalyq bilim basqarmasy basshysynyń orynbasary Gúlnar Aıtqulovanyń, Qoǵamdyq densaýlyq saqtaý basqarmasy basshysynyń orynbasary Ásel Bısenbaevanyń, Almaty qalasy JPQ Iývenaldy polısııa basqarmasynyń basshysy, polısııa podpolkovnıgi Leıla Álipbaevanyń baıandamalary tyńdaldy.

Almatyda 18 mektep-ınternat bar, olarda 3640 bala turady. 8 túzetý mektep-ınternatynda 2542 bala tárbılenýde, olardyń arasynda sóıleý, estý kemistigi bar balalar, sonymen birge jetim balalar da bar. Barlyq mekemeler sheberhanalarmen, oıyn zaldarymen jáne medısınalyq pýnkttermen jaraqtandyrylǵan. Sońǵy úsh jylda uıymdardyń tárbılenýshilerine, jetim balalar men ata-ana qaraýynsyz qalǵan balalarǵa 259 páter berilgen.

Sýısıdtiń aldyn alý maqsatynda Psıhıkalyq densaýlyq ortalyǵynyń negizinde psıhologtardyń onlaın keńes berý jumysy uıymdastyryldy. Osy kezge deıin 29 adamǵa keńes berilip, sońǵy 4 aıda senim telefonyna qala turǵyndarynan 1035 qońyraý kelip tústi, ótken jyly 1209 qońyraý túsken edi. Qońyraý shalýshylardyń bárine bilikti mamandardyń psıhologııalyq kómegi kórsetildi. Sonymen birge, bilim berý júıesiniń 148 mamany oqý semınarlaryna qatysty. Áleýmettik pedagogtar, medısınalyq qyzmetkerler jáne basqa da mamandar arasynan 4 aýdanda 206 adam úıretý kýrstarynan ótti.

Almaty qalasynyń Bilim basqarmasy júıeli túrde ınternattyq mekemeler qyzmetin anyqtalǵan tártip buzýshylyqtardy kórsete otyryp jáne olardyń joıylýyn baqylaýǵa ala otyryp, monıtorıng júrgizedi. Tekserý barysynda memlekettik satyp alýlar, eńbek zańnamasy, sanıtarlyq jáne órt normalarynyń buzylýy syndy tártipbuzýshylyqtar anyqtaldy.

Nátıjesinde anyqtalǵan tártipbuzýshylyqtardyń bári joıyldy. Arnaıy (túzetý) mektep-ınternattardyń birqatar dırektorlary men dırektor orynbasarlary tártiptik jaýapkershilikke tartyldy.

Almaty qalasy ákiminiń orynbasary Erjan Babaqumarov balalardyń sapaly bilim jáne tárbıe alýy, tamaqtanýy, mekeme qyzmetkerleri tarapynan balalarǵa durys emes qatynas ornatýyn boldyrmaý, sonymen qatar, 29 jasqa jetpegen jetim balalardy baspanamen qamtý  syndy máselelerge basa nazar aýdardy.

– Balalar – bizdiń bolashaǵymyz. Internattyq uıym jetekshileri bizdiń balalardyń ómiri men qaýipsizdigine jeke basymen jaýapty. Tárbılenýshilerdiń zańdy quqyqtary men múddelerin buzý faktilerin jasyrýǵa múlde jol bermeý kerek, – dep atap ótken E. Babaqumarov birqatar naqty tapsyrmalar berdi.

Qalalyq Bilim basqarmasy men bilim jetekshilerine tártip buzýshylyqtardyń aldyn alý, ınternattyq uıym túlekterin jetekshilik jáne basqa da ınstıtýttardy qatystyra otyryp jumysqa ornalastyrý máseleleri boıynsha jumysty kúsheıtý tapsyryldy. Bir aı ishinde júrgizilgen jumystar jáne aldaǵy kezeńdegi atqarylýǵa tıis mindetter jóninde qamqorlyq keńesin ótkizý tapsyryldy.

Almaty qalasy boıynsha Bilim salasyn baqylaý departamenti men Qazaqstannyń balalar úıi túlekteri assosıasııasyna qalalyq ınternattyq uıymdar kórsetetin qyzmetter sapasynyń mejege sáıkes bolýy jóninde monıtorıngtik komıssııa qurý tapsyryldy. Tekserýden bólek, balalar arasynda saýalnama da júrgiziledi. Saýalnama júrgizý barysynda ákimshiliktiń aralasýyna jol berilmeıdi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir