Koronavırýs. Adam qazasynan keıin Almatyda Kók bazar jabylady

Almatydaǵy belgili saýda ornynyń biri – Kók bazar qyzmetkerleriniń biri koronavırýstan qaıtys bolýyna baılanysty jabylady, dep habarlaıdy QazTAG.

Bul derekti bazar ákimshiligi rastaǵan.

"Iá, bul ras. Bizde kisi ólimi tirkeldi. Qyzmetkerimiz syrqattyq demalysta bolatyn. Qyz vırýsty úıinde juqtyrǵan. 10 kún emdelgenimen aqyry osylaı boldy. Jumysty búgin sońyna deıin isteımiz. Erteńnen bastap jabylamyz" dedi bazar ákimshiliginiń qyzmetkerleri.

Bazardy jabý týraly sheshimdi bazar ákimshiligi qabyldaǵan. Almatynyń bas sanıtarlyq dárigeri saýda ornyn jabý josparda joq ekenin aıtqan.

Kók bazar shamamen 7-10 kúnge jabylýy múmkin.