Bul bıliktiń halyqty jazǵyrýdan basqa aı̆nalysatyn isi joq pa ózi?

Sanıtarlyq normalardy durys saqtamaı̆ jatqan kim?
-Halyq!
-Vırýs bar degenge senbeı̆ sendelip júrgen kim?
-Halyq!
-Indettiń jappaı̆ taralyp jatqanyna kim kináli?
-Taǵy da halyq! Halyq, halyq...
Bul eldiń túbinde bárine kináli bop shyǵatyn Halyq degen bir "Qojasy" bar, áı̆teýir. Al ózderi shetterinen "aqyldy", "tap-taza"...

Talapty oryndamasańdar karantındi kúsheı̆temiz dep úrkitip, qorqytatyndary da - halyq. Qysqasy alysqandary - halyq, kúreskenderi - halyq. Bul bıliktiń halyqty jazǵyrýdan basqa aı̆nalysatyn isi joq pa ózi? Jýas halyqty júndeı̆ bergennen ne utamyz deı̆di sonda? Qorqytyp tárbıelegen jasqanshaq urpaqtan erteń qandaı̆ qaı̆sar ul men qyz shyǵady?..

Eger bılik Halyqtyń seniminen aı̆yrylmasa jaǵdaı̆ osylaı̆ ýshyǵatyn ba edi? Halqynyń senimin alǵan elderdiń indet jaǵdaı̆yn baqylap kórdińiz be? Alysqa barmaı̆-aq, kórshi ózbekterdi qarańyzshy. 37 mln halqynyń ishinde vırýs juqtyrǵandarynyń sany 5 myńǵa jetpeı̆di... Mundaǵy másele aqparattyń azdyǵynda, aı̆tqanǵa uqpaǵandyqta nemese bázbireýler oı̆laǵandaı̆ qazaqtardyń sanasyzdyǵynda emes. Halyq bılikke senbeı̆di. Bar kiltıpan osynda. Áı̆tpese, ózbektiń medısınasy kúshti ǵoı̆ deı̆siz be? Álde vırýstyń qaýiptiligin basqalardan artyq uǵyp ketip pe? Ondaı̆ elderde bılikke senim artqan halqy bar. Aı̆yrmamyz osy-aq...

Qazirgi halyqtyń kúı̆i perzent jolynda janyn pıda etken ana obrazyn elestetedi. Ondaı̆ ana óz basyn, óz densaýlyǵyn oı̆laı̆ ma? Jeke basyna tóngen kez kelgen qaýipten qorqa ma? Sol sııaqty jeke bas, bala-shaǵa qamynyń qasynda halyq úshin vırýsyń da, basqań da qoqynyshty emes. Turmys qamy jolynda kez kelgen qatermen betpe-bet kelýge bar.

Halyqtyq sanadaǵy qaýiptiń oryndary aýysyp ketken... Ony emdeý kerek. Biz úshin bálkim koronavırýstan da qaterli indet osy shyǵar? Al qoǵamǵa tónegen qaterdiń jalǵyz emi - birlik pen senim ekenin túsiný kerek.

Qysqasy, bılik pen halyqtyń arasynda birliktiń, yntymaq pen senimniń joqtyǵy vırýstyń fonynda taǵy da baı̆qaldy. Búı̆tetin bolsa erteń ulttyń basyna qater tóngen jaǵdaı̆da qaı̆tpekpiz? Elestetýdiń ózi qorqynyshty...

Halyqtyń senimi úshin ter tókpegen, eldiń qamyn shyn oı̆lamaı̆tyn bıliktiń ońbasy anyq. Muny oı̆lap jatqan olar bar ma? Áı̆...

Ertaı Núsipjanov,

Facebook paraqshasynan