Ashyq derekkóz
Shymkent qalasynda eki balanyń anasyn soqqyǵa jyqqan kúdiktilerdiń biri ustaldy. Bul týraly polisia.kz habarlady.
Shymkent qalasy Abaı aýdandyq polısııa basqarmasynyń qyzmetkerleri jedel-izdestirý sharalary barysynda 48 jastaǵy kúdiktini qolǵa túsirgen. Ol qazirgi ýaqytta ýaqytsha ustaý ızolıatoryna qamaldy.
"26 mamyr kúni 39 jastaǵy jergilikti turǵynnyń dene jaraqatyn alý faktisi boıynsha QR Qylmystyq Kodeksi 107-babynyń 1-bóligi boıynsha sotqa deıingi tergeý jumystary júrgizilip jatyr. Oqıǵa ornynda jedel tergeý toby barlyq qajetti is-sharalardy ótkizip, qylmysqa qatysy bar kúdiktini anyqtady. Birqatar tıisti saraptamalar taǵaıyndaldy. Taǵaıyndalǵan saraptamalardyń qorytyndysy boıynsha prosessýaldyq sheshim qabyldanady. Tergeý jumystary prokýratýra men polısııa departamenti basshysynyń baqylaýynda bolady", delingen habarlamada.
Aıta keteıik, buǵan deıin 39 jastaǵy áıeldi belgisiz bireýler kóshede ketip bara jatqan jerinen zorlyq-zombylyq kórsetip, áıeliń tisin jáne úsh jerden jaǵyn syndyrǵan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir