Nur-Sultannyń bas sanıtar dárigeri: Karantın sharalaryn kúsheıtýge májbúr bolamyn

Eger qalada jumys istep turǵan uıymnyń basshylary men turǵyndar karantın sharalaryn saqtamasa, jappaı juqtyrǵandar sany kóbeıe beredi. Dál qazir Nur-Sultan qalasynyń epıdemıologııalyq jaǵdaıyn turaqty ustaý múmkin bolmaı otyr. Sondyqtan karantın sharalaryn kúsheıtýge májbúr bolady. Bul týraly elordanyń bas sanıtarlyq dárigeri Janna Pirálıeva málimdedi, dep habarlaıdy Tengrinews.kz tilshisi.

Nur-Sultannyń bas sanıtar dárigeri Janna Pirálıevanyń aıtýynsha, qala turǵyndarynyń karantın sharalaryn saqtamaýy, jappaı juqtyrý jaǵdaıynyń kóbeıip jatqanyna sebep bolyp otyr.

"Qurmetti uıymdardyń basshylary naýqastardyń sany kóbeıgen jaǵdaıda men Nur-Sultan qalasynyń bas sanıtar dárigeri retinde qaladaǵy epıdemıologııalyq jaǵdaıdy eskere otyryp, koronavırýs ınfeksııasynyń jappaı taralmaýy úshin shekteý jáne karantın erejelerin kúsheıtýge májbúrmin. Turǵyndardyń ómiri men densaýlyǵyna nemquraıly qaraǵanyńyz bizge epıdemıologııalyq jaǵdaıdy turaqty etýge jáne qalypty ómirge oralýǵa múmkindik bermeı jatyr. Taǵy da sizderge oılanyp, bizge osy jaǵdaıdan shyǵýǵa, búkil álem tap bolǵan qıyn jaǵdaıdan shyǵýǵa kómektesýdi suraımyz", dedi Janna Pirálıeva.