• USD 468.56

  • EUR 497.56

  • RUB 7.3

  • CNY 67.18

29 Naýryz, 11:11:06
Almaty
+35°

Almaty qalasyn damytý ortalyǵy Almaty qalasy sıfrlandyrý basqarmasymen birlesip qalanyń syrtqy jaryqtandyrý júıesine taldaý júrgizdi. Bul týraly qala ákimdiginiń baspasóz qyzmeti jazdy.

Almaty qalasy Energotıimdilik jáne ınfraqurylymdyq damý basqarmasynyń (ETIDB) málimetine sáıkes, 2020 jyldyń basyndaǵy jaǵdaı boıynsha qalada 116,7 myń jaryq núktesi (jaryqdıodty shamdar – 42%-ten astam, natrıı gazrazrıadty shamdar – 40%, doǵaly synap lıýmınessentti shamdar – 18%-ten az) ornatyldy. Bul ótken jyldyń sáıkes kezeńimen salystyrǵanda 20%-ke artyq. Syrtqy jaryqtandyrý jelileriniń jalpy uzyndyǵy shamamen 4 myń km. Almatynyń kóshe shamdarymen qamtamasyz etilýi 71%-ti quraıdy.

2019 jyldyń basyndaǵy jaǵdaı boıynsha Medeý (jalpy sanynyń 15,8%) jáne Alataý (15,6%) aýdandarynda jaryq núkteleri kóbirek. Odan keıin Túrksib (13,8%), Bostandyq (13,7%) jáne Almaly (13,5%) aýdandary. Syrtqy jaryqtandyrýdyń jalpy úlesinde 11,5% jáne 11,3% sáıkesinshe Áýezov jáne Jetisý aýdandaryna tıesili. Naýryzbaı aýdanynda kóshe jaryǵymen qamtý kórsetkishiniń tómendigi (4,8%) saıajaı ýchaskeleriniń, orman jáne sharýa qojalyqtarynyń, sondaı-aq jeke turǵyn úı qurylysyna arnalǵan jer ýchaskeleriniń kóp bolýymen baılanysty. Aýdannyń qalaǵa qosylǵanyna da kóp bola qoıǵan joq (2014 j.), sondyqtan jalpy qalalyq ortasha kórsetkishke jetý úshin, onyń ishinde jaryqtandyrý boıynsha, belgili bir ýaqyt qajet.

Almatyda syrtqy jaryqtandyrý júıesin jańǵyrtý 8 jylǵa arnalǵan (2019-2026 jj.) MJÁ jobasy aıasynda júzege asyrylýda, onyń ákimshisi «Almaty Qala Jaryq» kásiporny bolyp tabylady. 2018 jyly odan ári jańǵyrtý úshin syrtqy jaryqtandyrý júıesin pasporttaý júrgizildi.

2019 jyldan 2023 jylǵa deıin Almaty kóshelerinde 44 myń eski shamdy jaryqdıodty túrine, sondaı-aq 42 myń tirekti aýystyrý josparlanǵan. Maqsat – qaladaǵy kósheni jaryqtandyrý júıesiniń elektr energııany tutyný deńgeıin kem degende 15%-ke azaıtý.

2020 jyly kóshelerdi jańǵyrtý kóbinese ortalyq aýdandardyń negizgi magıstraldaryn qamtıdy. Alaıda birtindep qala shetine nazar aýdarylady. 2020-2024 jyldarǵa arnalǵan «Jańa Almaty» baǵdarlamasy qalanyń ortalyqqa jatpaıtyn aýdandaryn tolyq jaryqtandyrýdy qamtamasyz etýi tıis. Osy keshendi jospar aıasynda 2019 jyly qalanyń ortalyqqa jatpaıtyn aýdandaryndaǵy buryn jaryqtandyrylmaǵan 329 kóshede syrtqy jaryqtandyrý júıesi salyndy. 2020-2021 jj. qalǵan 2 024 kósheni jaryqtandyrý mindeti qoıylǵan.

ETIDB turǵyndardyń «Almaty Qala Jaryq» dıspetcherlik qyzmetine nemese Almaty qalasy ákimdiginiń «Open Almaty» qoǵamdyq qabyldaý bólmesi arqyly túsetin ótinishterimenturaqty túrde jumys júrgizedi.

62 kún ishinde (01.12.2019 j. bastap 31.01.2020 j. deıin) Open Almaty arqyly (baılanys ortalyǵy, áleýmettik jeliler, portal, front-ofıs) turǵyndardan qalany jaryqtandyrý boıynsha 601 ótinish tústi. Onyń ishinde 437 ótinish (73%-ten astamy) shamdardyń jumys istemeýi men jalpy jaryqtandyrýdyń bolmaýyna qatysty. Shamdardyń janbaı turǵanyna Bostandyq aýdany, shamdardyń bolmaýyna Alataý aýdany turǵyndarynan kóbirek shaǵym túsken.

Sondaı-aq qala turǵyndary shamdardyń kúndiz janyp turýy (6,2%), jaryqtyń jetkiliksiz/kúńgirt bolýy (3,5%), aýlalarda jaryqtyń joqtyǵy (3%), shamdar jumys rejıminiń burystyǵy men jypylyqtaýy (1,3%-ten) týraly habarlaıdy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir