Toqaev senat depýtattaryn saılaıtyn kúndi bekitti

Qazaqstan Respýblıkasy Parlament senaty depýtattarynyń saılaýy 12 tamyzda ótetin boldy, dep jazady Qamshy.kz aqparat agenttigi.

"Qazaqstan Respýblıkasy Konstıtýsııasynyń 44-babynyń 2) tarmaqshasyna, "Qazaqstan Respýblıkasyndaǵy saılaý týraly" 1995 jylǵy 28 qyrkúıektegi Qazaqstan Respýblıkasy Konstıtýsııalyq zańynyń 69 babyna sáıkes Qazaqstan Respýblıkasy Parlamenti Senatynyń depýtattary ókilettikteriniń konstıtýsııalyq merziminiń 2020 jylǵy qazan aıynda aıaqtalatynyna baılanysty qaýly etemin:

1. Qazaqstan Respýblıkasy Parlamenti Senaty depýtattarynyń saılaýy 2020 jylǵy 12 tamyzǵa taǵaıyndalsyn.

2. Qazaqstan Respýblıkasynyń Úkimeti, Nur-Sultan, Almaty jáne Shymkent qalalarynyń, oblystardyń ákimderi Qazaqstan Respýblıkasy Parlamenti Senaty depýtattarynyń saılaýyn uıymdastyrýshylyq, materıaldyq-tehnıkalyq jáne qarjylyq qamtamasyz etý jóninde sharalar qabyldasyn.

3. Osy Jarlyq jarııalanǵan kúninen bastap qoldanysqa engiziledi", - delingen qaýlyda.