Mańǵystaýdaǵy Saıyn Shapaǵatov kentiniń 1000-nan asa jańa turǵyn úıi gazben qamtylady

Mańǵystaýdaǵy Saıyn Shapaǵatov kentiniń 1000-nan asa jańa turǵyn úıi gazben qamtylady, dep jazady Qamshy.kz aqparat agenttigi. 

Bul týraly qoǵamdyq kommýnıkasııa ortalyǵynda ótken brıfıngte Túpqaraǵan aýdany ákiminiń orynbasary Talǵat Altynǵalıev málimdedi.

Qazirgi tańda Túpqaraǵan aýdany boıynsha jumyspen qamtý ortalyǵyna bıylǵy jyl basynan beri 1235 adam habarlasqan. Onyń ishinde 1150-i jumys izdeýshi retinde tirkeldi. Qazirgi ýaqytta resmı tirkelgen jumyssyzdar sany 416 adamdy  quraıdy.

2020-2021 jyldarǵa arnalǵan Jumyspen qamtýdyń jol kartasy aıasynda Túpqaraǵan aýdanynda júzege asyrylatyn 22 joba bar, onyń ishinde 6 joba ótpeli jobalar. Jobalardyń barlyǵy erekshe tártipte konkýrs habarlandyrýlary jarııalanyp, jobalardyń jeńimpazdary anyqtalyp, kelisim sharttar jasaqtaldy. Atalǵan ınfraqurylymdyq jobalardy iske asyrý maqsatynda 16 merdiger mekememen aýdan ákimdigi kelisimshartqa otyrdy. Ár joba aıasynda qurylatyn jumys oryndarynyń 50 paıyzyna deıin jumyssyz turǵyndarǵa joldama berý kerektigi kelisimshartta kórsetilgen. Osyǵan oraı, bizdiń aýdanǵa qarasty ár aýyl ákimdikterinen jumyssyz azamattardyń tizimi jasaqtaldy. Jospar boıynsha 1414 jumys orny qurylady. Onyń ishinde 709 orynǵa jumyssyz azamattar jumyspen qamtý ortalyǵy arqyly alyný qajet bolsa, qazirgi tańda 531 adam joldamamen jumysqa tartyldy.

Aýdandyq deńgeıdegi jobalardyń qatarynda Túpqaraǵan aýdanyndaǵy qus sharýashylyǵy jáne qosalqy ýchaskelerdi sýmen jabdyqtaý júıesin jobalaý qurylysy bar. Jumyspen qamtylatyn adamdar sany: 50 adam.

«Qalyn Arbat aýmaǵyndaǵy №5, 6 ýchaskelerde qosalqy sharýashylyq pen qus fabrıkasyn elektrmen jabdyqtaý qurylysyn josparlap otyrmyz. 200 adam jumyspen qamtylady dep kútilýde», - deıdi Talǵat Altynǵalıev.

Fort-Shevchenko qalasy boıynsha iske asyrylatyn jobalar:

1. Eki qabatty 10 turǵyn úı jóndeýden ótedi. Jumyspen qamtylatyn adamdar sany: 50 adam.
2. E.О́mirbaev atyndaǵy orta mektepti qaıta qurylymdaý. Jumyspen qamtylatyn adamdar sany: 100 adam.
3. Sý quıatyn qurylysty qaıta qurylymdaý, 1000 m3 bolatyn 2 rezervýar men 50 m3 quraıtyn 2 tuzsyzdandyrý qondyrǵysynyń qurylysy. Jumyspen qamtylatyn adamdar sany: 100 adam.
4. Sondaı-aq jaǵalaýdy abattandyrý jumystary júrgiziledi. Jumyspen qamtylatyn adamdar sany: 90 adam.

Aqshuqyr aýyly boıynsha iske asyrylatyn jobalar:

5. Nýrbaev jáne Sahıev kósheleriniń boıyndaǵy sýmen jabdyqtaý júıesin aǵymdaǵy jóndeý. Jumyspen qamtylatyn adamdar sany: 5 adam.
6. 2, 3, 5 kvartaldardyń 4 shaqyrym aýylishilik joldaryn ortasha jóndeý. Jumyspen qamtylatyn adamdar sany: 30 adam.
7. Dárigerlik ambýlatorııasyn kúrdeli jóndeý. Jumyspen qamtylatyn adamdar sany: 10 adam.
8. Aqshuqyr aýylynan S.Shapaǵatov aýylyna 110-10 kV qosymsha elektr berý jelisiniń qurylysy. Jumyspen qamtylatyn adamdar sany: 20 adam. Jaǵalaýdy abattandyrý. Jumyspen qamtylatyn adamdar sany: 90 adam.

Saıyn-Shapaǵatov aýyldyq okrýgi boıynsha jobalar:

9. G.Aıdarov atyndaǵy №1 mektep-lıseı ǵımarattaryna aǵymdaǵy jóndeý jumystary jasalady. Jumyspen qamtylatyn adamdar sany: 40.
10. Sondaı-aq aýylishilik avtomobıl joly ortasha jóndeýden ótedi, uzyndyǵy 2 km. Jumyspen qamtylatyn adamdar sany: 30.
11. Elýbaev, N.Esetov jáne Meıirova kóshesi joly da ortasha jóndeýden ótkiziledi. Jumyspen qamtylatyn adamdar sany: 65 adam.
12. 5-kvartalynyń aýylishilik jolyn ortasha jóndeýden ótkizý josparlanýda, uzyndyǵy 4 km. Jumyspen qamtylatyn adamdar sany: 55 adam.
13. Dárigerlik ambýlatorııasy aǵymdyq jóndeýden ótedi. Jumyspen qamtylatyn adamdar sany: 5 adam.
14. Aýyldyń jańa turǵyn úıleri gazben qamtylady. Jumyspen qamtylatyn adamdar sany: 344.
15. Jaǵalaýdy abattandyrý. Jumyspen qamtylatyn adamdar sany: 90(45 adam).

Baýtın aýyly boıynsha jobalar:

16. D.Sátimova jáne Atash aýylyndaǵy B. Aqsambaev kóshelerine jol salý qurylysy. Jumyspen qamtylatyn adamdar sany: 30 adam.

Qyzylózen aýyly boıynsha jobalar:

17. Sısembaev pen Nysanbaev kósheleriniń aýylishilik joldaryn ortasha jóndeý, uzyndyǵy 500 m. Jumyspen qamtylatyn adamdar sany: 10 adam.