Jylqyshylarǵa 10 jylǵa deıin jeńildetilgen nesıe beriledi

Memleket jylqy sharýashylyǵymen aınalysatyn otandyq taýar óndirýshilerge qoldaý kórsetýdi jalǵastyrýda. Bul týraly QR aýyl sharýashylyǵy mınıstrligi habarlady.

Atap aıtqanda, olarǵa tómendegideı múmkindikter qarastyrylǵan:

• satyp alynǵan asyl tuqymdy aıǵyrlar úshin sýbsıdııalaý normasy ár basqa 100 myń teńgeden;
• bıe sútin óndirýshiler úshin ár lıtrine 60 teńgeden;
• asyl tuqymdy jylqynyń analyq basyn baǵýǵa, jem-shóbine jylyna 20 myń teńgeden;
• jylqy sharýashylyǵyn damytýǵa arnalǵan tehnıkalar men jem-shóp daıyndaıtyn jabdyqtardy satyp alǵanda memleket 25 paıyzdyq óteý úlesimen ınvestısııalyq sýbsıdııa beredi;
• nesıeler men lızıng boıynsha paıyzdyq mólsherlemelerdi 10% sýbsıdııalaý.

Bul jylqy fermalary men salalyq qaýymdastyqtardyń usynystary boıynsha jasalǵan. 2019 jyly 4,7 myń jylqy fermasy memlekettik qoldaý sharalarymen qamtyldy.

Sonymen qatar, jylqy ósirýshilerge «jylqy satyp alýǵa» 10 jylǵa deıingi  jyldyq ósimi 6%-dy quraıtyn jeńildetilgen nesıe berý qarastyrylǵan.

2016 jyldan beri «Qulan» baǵdarlamasy jumys istep keledi. 

2018 jyly 12 myń bas mal satyp alýǵa 512 sharýashylyq qarajat aldy, byltyr 1440 sharýashylyqqa 40 myńnan astam jylqy satyp alýǵa jeńil nesıe berilgen. 2020 jyly qarjylyq qoldaý alýshylardyń sany edáýir artady dep kútilýde.