ShQO Alakóldegi demalys oryndarynyń kóbisi sanıtarlyq-epıdemıologııalyq normalardy saqtaýǵa asyǵar emes

Alakól jaǵalaýynda 175 demalys orny bar. Sonyń ishinde 59-y  (34 paıyzy) ǵana ishinara sanıtarlyq-epıdemıologııalyq sharalardy  júrgizýde. Al qalǵan 116 demalys orny týrısterdi qabyldap alýǵa áli daıyn emes. Bul týraly ShQO aımaqtyq kommýnıkasııalar qyzmetinde ótken brıfıng barysynda oblystyń bas sanıtarlyq dárigeriniń orynbasary Nurlanǵazy  Ibraev málim etti. 

 

- 59 demalys ornynyń 32-i dezınfeksııalyq quraldarmen tolyq qamtamasyz etildi. 23 demalys ornyndaǵy as ishetin ústelderdiń ortasyndaǵy áleýmettik araqashyqtyq saqtaldy. 22-de  antıseptıkalyq sanıtaızerler men bólme turǵyndarynyń jatyn oryndarynyń arasyndaǵy qashyqtyq saqtalǵan. 12 demalys ornynda baılanyssyz termometrler satyp alyndy, - dedi Nurlanǵazy Ibraev.

 

Demalys oryndarynyń aýmaǵynda ornalasqan oıyn jáne sáýlettik nysandarda dezınfeksııalaý jumystary áli kúnge deıin júrgizilgen joq. Sonymen qatar kelýshiler arasynda saýalnama júrgizip, sanepıdemıologııalyq qaýipsizdikti túsindiretin jaýapty tulǵalar taǵaıyndalǵan joq. Osy baǵyttaǵy jumystar 10 maýsymnan keıin júzege asyrylmaq. Nurlanǵazy Ibraev osylaı dedi.

 

- Jergilikti bılik ókilderiniń bastamasymen demalýshylar arasyndaǵy áleýmettik qashyqtyqty saqtaý maqsatynda kól jaǵalaýy mańynda belgiler ornatyldy. Josparǵa sáıkes Alakólde profılaktıkalyq dezınfeksııalaý jumystarynyń birinshi kezeńi ótkizildi, - dedi Nurlanǵazy Ibraev.

 

Brıfıng barysynda Nurlanǵazy Ibraev týrıster men demalys oryndarynyń basshylyqtaryna KVI-diń aldyn alý jumystaryn túsindirý maqsatynda týrıstik aqparattyq ortalyq pen serýendeý aımaǵynda LED ekrandar ornatylatynyn atap ótti.

 

- 7 maýsymdaǵy derekterge sáıkes Alakóldegi birde-bir demalys orny týrısterdi qabyldap alýǵa daıyn degen aktini alǵany joq, - dedi Nurlanǵazy Ibraev.