• USD 468.56

  • EUR 497.56

  • RUB 7.3

  • CNY 67.18

29 Naýryz, 02:23:07
Almaty
+35°

Mańǵystaýda «Shejireli mańǵystaý» atty foto-ekspedısııa ótti. 

Elimizge belgili fotosýretshi Asylhan Ábdiraıymuly bastaǵan «Fotoóner» QB músheleri Mańǵystaýdyń keremet jerlerin aralap, fotoǵa túsirdi. Bul týraly qoǵamdyq kommýnıkasııa ortalyǵynda ótken brıfıngte málim boldy.

7-10 maýsym aralyǵynda ótken foto-ekspedısııanyń negizgi maqsaty - ár ólkeniń tylsym tabıǵatyn, ádemi, kórkem jerlerin, ulttyq ónerin, dástúri men mádenıetin kórsetip, shet memleketke tanytý.

shsh

«Fotoóner» QB músheleri 4 kún ishinde Túpqaraǵan, Mańǵystaý, Qaraqııa aýdanynda bolyp, alǵash ret óńirdiń kıeli jerlerine tańǵy jáne túngi ádispen foto-túsirilim jasady. Bozjyra, Ybyqty, Tamshaly, Jyǵylǵan, Saýra, Sherqala, Aıraqty sekildi Mańǵystaýdyń syrly jerlerin (14 nysan) ekspedıtorlar fototuzaqqa túsirdi.

gto

«Mańǵystaý tabıǵatynyń kórkemdigine kóz toımaıdy. Salt-dástúrdi óte berik ustanǵan jer. Túıe sharýashylyǵy damyǵan. Shubattyń otany sanalady. Osynyń bárin bolashaq urpaqqa qaldyrǵymyz keledi. Myń sózdi bir sýretpen jezgizý bar maqsatymyz»,-dedi Túrkistan oblysynyń fotografy, «Fotoóner» QB múshesi Maqsat Shaǵyrbaı.

bshbsh

Ekspedısııa músheleri Mańystaýdyń keremetterimen qosa sapardyń sońǵy kúnin Aqtaý qalasynyń kaspıı jaǵalaýyndaǵy kóriniske arnady. Shahar turǵyndarynyń teńiz jaǵasyndaǵy serýenin, jastardyń shyrqaǵan ánin, bóbekterdiń baqytty kúlkisin sátti kadrǵa túsirdi.

Ekspedısııa barysynda jas fotograftarǵa sheberlik saǵatyn ótkizý josparlanǵan bolatyn. Karantınge baılanysty bul shara keıinge qaldyryp, bolashaqta onlaın túrde ótetin boldy.  

Osylaısha ár aımaqta ótkizilgen «Fotoóner» QB músheleriniń 7-ekspedısıasy kıeli ólkede ótkizildi.

«Fotografııa - bir uǵym bolǵanymen onyń janry ár túrli. Bizdiń quramdaǵy sheber mamandardyń biri tabıǵatty, biri adamnyń beınesin, endi biri týrıstik áleýetin fototuzaqqa aldy. Sheteldiń keremet jerleri men nysandaryn ǵalamtordan izdegende kásibı sýretterge tap bolasyń. Al, bizde kóbinese áýesqoı túsirgen sapasyz sýretter shyǵady. Osy olqylyqtyń ornyn toltyrý úshin de atalǵan jumysty qolǵa aldyq»,-deıdi T.Júrgenov atyndaǵy óner akademııasynyń ustazy, Almaty qalasynyń «Fotoóner» QB jetekshisi Ońǵarbek Alharov.

Foto-ekspedısııaǵa sondaı-aq «Fotoóner» QB múshesi  Ernur Manapqanuly, Batys Qazaqstan oblysy «Fotoóner» QB tóraǵasy Meıirbek Tajkýranov, Mańǵystaý óńirlik «Fotoner» QB jetekshisi Serik Maıemerov, «Fotoóner» QB jas múshesi Salaýat Jánibekuly qatysty.

Mańǵystaý oblysy ákimdigi jáne Mańǵystaý oblysynyń ınvestısııalar jáne týrızmdy damytý basqarmasynyń uıymdastyrýymen ótken «ShEJIRELI MAŃǴYSTAÝ» foto-ekspedısııasyndaǵy sapardan túsirilgen sýretterdi www.fotooner.kz saıtynan jáne respýblıkalyq BAQ betterinen tamashalaı alasyzdar. Aıta keteıik bul shara aldaǵy ýaqytta jalǵasyn tabatyn bolady.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir