• USD 412.55
  • EUR 465.73
  • RUB 5.79
  • CNY 58.91

11 Maýsym, 2020 NEWS

"Jigitim meni uryp-soǵyp, óltiremin dep qoqan-loqqy kórsetti". Almatylyq boıjetken jigitiń ústinen aryzdandy

Áleýmettik jelidegi paraqshasynan

Áleýmettik jelide almatylyq qyz jigitiniń bir jyl boıy ózine qol kóterip kelgeni, aqshasy men telefonyn tartyp alǵany týraly jazba jarııalady.

– Men endi únsiz otyra almaımyn!!! Bir jyldan beri jigitim meni uryp-soǵyp, aqsham men telefonymdy tartyp alyp, óltiremin dep qoqan-loqqy kórsetti. Men óz ómirim úshin qorqamyn. Eger de men joǵalyp ketsem, ne qaıtys bolsam, oǵan Erjan Abylhas Baýyrjanuly kináli. О́tinemin muny toqtatýǵa kómektesińizdershi!, – dep jazdy ol paraqshasynda. 

Almaty polısııa departamenti qyzdyń 10 maýsymda aryz jazǵanyn aıtty.

– Qazirgi ýaqytta Almaly aýdanynyń polısııa basqarmasy sotqa deıingi tergeý jumystaryn júrgizip jatyr. Oqıǵanyń mán-jaıyn anyqtaý, kináli tulǵany jaýapkershilikke tartý maqsatynda keshendi is-sharalar júrgiziledi, – dep málimdedi qalalyq polısııa departamentiniń baspasóz qyzmetindegiler.

 

 

 

Ilmek sózder: Almaty Qazaqstan

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir