• USD 412.55
  • EUR 465.73
  • RUB 5.79
  • CNY 58.91

10 Maýsym, 2020 NEWS

Uıǵyr aýdanyndaǵy máseleden keıin bes adam jumystan shyǵaryldy

fotokollaj

Jýrnalıst Qanat Ábilqaıyr óziniń facebook paraqshasyna Almaty oblysy Uıǵyr aýdanyndaǵy ultaralyq másele týraly eki jazba jarııalap, jaǵdaıdyń asqynyp ketýi múmkin ekenine nazar aýdarǵan. 

"AQTAMNYŃ MUǴALIMDERI QAZAQTARǴA UIǴYR TILIN BILÝDI MINDETTEP OTYR MA, BATALOV MYRZA!" degen alǵashqy jazbada jýrnalıst aýdandaǵy Aqtam aýylynda qazaq pen uıǵyr jastary tóbelesip qalǵanynan týǵan daý týraly habarlaǵan. Kıkiljińnen keıin etnıkalyq uıǵyr oqýshysynyń jer jaıly daýly málimdeme aıtqany, oǵan qazaq oqýshysynyń jaýap bergeni, artynan mektep muǵalimderi arasynda tilge baılanysty janjal shyqqany málimdelgen.

"UIǴYR AÝDANYNYŃ ATY nemese MEMQYZMETShI JOQ MEMLEKETTIŃ TÝYN NEGE NASIHATTAIDY, BATALOV MYRZA?" degen taqyryppen jarııalanǵan ekinshi jazbada sol aýdannyń turǵyny, memlekettik qyzmette isteıtin etnıkalyq uıǵyr qyz óziniń vatsap jelisindegi statýsyna belgisiz týdyń (uıǵyrlardyń beıresmı týy) sýretin betine japsyrǵanyn jarııalaǵanyn aıtqan. "Másele aýdandyq deńgeıde jyly jabylyp qoıylypty" degen ol "memqyzmetker Áblázovtyń ıdeıasyn nasıhattasa aýyl, aýdan ákimine deıin ornynan alynyp tastar edi" deıdi. Bir qaryn maıdy bir qumalaq shiritetinindeı, osyndaı derekter  ultaralyq máseleni týdyrýy múmkin ekenin, mundaı derektiń aýdandaǵy ıdeologııalyq jumystardyń toqyrap turǵanyn ańǵartatynyn jetkizip, oblys basshysy Amandyq Batalovty máselege mán berýge shaqyrǵan. Sońynda Uıǵyr aýdanynyń atyn ózgertý qajettigin kótergen.

Facebook áleýmettik jelisinde qyzý talqyǵa túsken máselege Qamshy portaly da nazar aýdaryp, aýdandyq ishki saıasat bólimi qyzmetkerlerimen sóıleskennen keıin Uıǵyr aýdanyna arnaıy tilshi jiberip, máseleniń mán-jaıynan oqyrmandy habardar etpek bolǵan.

Alaıda búgin, 11 maýsym kúni Uıǵyr aýdany ishki saıasat bólimi qyzmetkerleri habarlasyp, máselege oblystyq deńgeıde kóńil bólinip, tıisti shara qoldanylǵanyn aıtty.

Atalǵan derek boıynsha oblystyq komıssııa qurylyp, óńirde jumys júrgizgen. Sonyń nátıjesinde, Aqtam orta mektebiniń dırektory Izmahýnov Oktıabr Týrganovıch, dırektordyń tárbıe isi jónindegi orynbasary Qapsalamov Muqametqalı, sonymen birge, atalmysh mekteptiń bıologııa pániniń muǵalimi Kaharova Túrdıbývı qyzmetinen bosatylǵan.

Budan bólek, Aqtam aýyldyq okrýgi ákimi apparatynyń sport jónindegi ádisker-nusqaýshysy Kamaev Sabırjan Sýnıasýnovıch jáne Tıirmen aýyldyq okrýgi ákimi apparatynyń jastar isi jónindegi ádisker-nusqaýshysy Iаkıarova Ýmıda qyzmetinen ketken.

Aldaǵy ýaqytta osyǵan uqsas jaıttar qaıtalanbas úshin oblystyq komıssııa múshesi, oblystyq Qazaqstan halqy Assambleıasynyń hatshylyq meńgerýshisi Ǵabıt Tursynbaı aýdan belsendilerimen júzdesip, túsindirme jumystaryn júrgizgen.

Aýdan halqy "bir qumalaqtyń" kesirinen tutas óńirge sóz tıgenin alǵa tartyp, mundaı keleńsiz jaıttyń bolǵanyna ókinishterin bildirdi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir