• USD 468.56

  • EUR 497.56

  • RUB 7.3

  • CNY 67.18

29 Naýryz, 16:08:37
Almaty
+35°

Prezıdent ákimshiligi jetekshisiniń burynǵy orynbasary Baǵlan Maılybaev Nur-Sultan qalasynyń Baıqońyr aýdandyq №2 sotynyń 14 mamyrda shyǵarǵan qaýlysymen merziminen buryn bosap shyqty. Sot qaýlysy 30 mamyrda kúshine engen, dep habarlady  Azattyq.

"Qyzmet babyn teris maqsatta paıdalandy" jáne "memlekettik qupııalardy zańsyz jınaý, taratý, jarııa etti" dep aıyptalǵan prezıdent ákimshiliginiń burynǵy joǵary shendi qyzmetkeri 2017 jyly 5 jylǵa sottalǵan bolatyn.

Nur-Sultan qalasynyń qylmystyq-atqarý júıesi departamenti ókilderiniń Azattyqqa aıtýynsha, Baǵlan Maılybaev Nur-Sultannyń tergeý ızolıatorynan 30 mamyrda bosap shyqqan. Ol 1 jyl 4 aı 21 kún túrme jazasy qalǵan kezde bosap shyqqan.

Ákesi Asaýbaı Maılybaev Azattyq tilshisine túrmeden bosap shyqqan ulynyń jaǵdaıy qalypty ekenin aıtty.

Prezıdent ákimshiligi jetekshisiniń burynǵy orynbasary Baǵlan Maılybaev 2017 jyly qańtardyń 12-si kúni qyzmetinen bosatylǵan. Birneshe kúnnen keıin ulttyq qaýipsizdik komıteti Maılybaevtyń "Qyzmet babyn teris maqsatta paıdalaný" jáne "Memlekettik qupııalardy zańsyz jınaý, taratý, jarııa etý" baby boıynsha kúdikke ilingenin habarlaǵan.

Maılybaev prezıdent ákimshiliginde ıdeologııa jáne ishki saıasat máselelerine jaýapty boldy. Onyń soty jabyq ótti. 2017 jyly sot túrme jazasymen birge Maılybaevqa dúnıe-múlkin tárkilep, memlekettik organdarda laýazymdy qyzmet atqarý quqyǵynan ómir boıyna aıyrýǵa da úkim etken. Onymen birge ustalǵan prezıdent ákimshiligi ishki saıasat bólimi bastyǵynyń orynbasary Nıkolaı Galıhın shartty túrde sottaldy.

"Qamshy" silteıdi
Ilmek sózder: Baǵlan Maılybaev

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir