• USD 405.69
  • EUR 455.51
  • RUB 5.72
  • CNY 57.42

10 Maýsym, 2020 Saıasat

Sheteldik basylym: Iаdrolyq soǵys qaýpi, Qytaı Amerıkaǵa qatań eskertý jasady

The Express

Qytaı bıligi AQSh prezıdenti Trampqa qatań eskertý jasady. Eskertýge Vashıngtonnyń jańa ıadrolyq synaqty josparlaýy sebep bolǵan. Bul týraly Qamshy tilshisi anglııalyq The Express basylymyna silteme jasap habarlaıdy. 

AQSh prezıdenti Donald Tramptyń osy ǵasyrda birinshi ret ıadrolyq synaqtardy qaıta bastaýdy qarastyrýyna Beıjiń «qatty alańdaýshylyq bildiretinin» málimdegen. 

Vashıngton 1992 jyly ıadrolyq synaqtardy toqtatqan. Degenmen Atlant muhıtynan jetken aqparattar "Qytaı men Reseıge qysym jasaý maqsatynda Tramp ákimshiliginiń joǵary laýazymdy tulǵalary ıadrolyq baǵdarlama ıdeıasyn alǵa tartty" degen boljamdy rastaıdy.

Qytaı SIM-niń ókili Hýa Chýnınniń aıtýynsha, Beıjiń ıadrolyq synaqtardy qaıta bastaý týraly AQSh prezıdentiniń ákimshiligindegi ishki talqylaýǵa qatty alańdaýly. Hýa Chýnın 1996 jyly qol qoıylǵan kópjaqty kelisim – Iаdrolyq synaqtarǵa jappaı tyıym salý týraly shartqa (CTBT)  silteme jasap, AQSh-ty «ıadrolyq qarýsyzdanýǵa» qarsy jáne «jahandyq strategııalyq turaqtylyqty buzyp» jumys istegenin málimdedi.

Tramp ıadrolyq synaqtar týraly ashyq aıtpaǵan, degenmen ótken aıda Aq úıden alǵash ret ıadrolyq synaqtar týraly habarlamalar shyqqan.

Al, osy mamyr aıynda AQSh Qorǵanys mınıstrliginen Drıý Ýolter bolashaq ıadrolyq baǵdarlama týraly taqyrypty taǵy kótergen.

AQSh ıadrolyq máseleler jónindegi qorǵanys hatshysynyń orynbasary mindetin atqarýshy Drıý Ýolterdiń aıtýynsha, Iаdrolyq qaýipsizdik jónindegi ulttyq agenttiktiń burynǵy basshylary ıadrolyq synaqtardy tezirek ótkizýdi talqylaǵan.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir