• USD 412.55
  • EUR 465.73
  • RUB 5.79
  • CNY 58.91

10 Maýsym, 2020 NEWS

Bıyldan bastap JOO stýdentteri dıplomdy elektrondyq formatta alady

kgb-ls.kz

Bıyldan bastap eldegi joǵary oqý oryndary men kolledjder túlekterge dıplomdy elektrondyq formatta beredi. Bul týraly QR Bilim jáne ǵylym vıse-mınıstri Rústem Bıǵarı onlaın brıfıngte aıtty.

– Bıyldan bastap barlyq JOO-lar men kolledj túlekteri dıplomdy qaǵaz túrimen ǵana emes, elektrondyq túrde alady. Barlyq normatıvti akti qabyldandy. Bul ne úshin qajet? Jumys berýshi men azamattarda dıplomnyń jasandy emes ekenine, sapasyna qatysty suraqtar týyndap turatyny jasyryn emes. Dıplomyn rastaý úshin jumys berýshi men jas mamannyń kóp ýaqyty ketedi. BǴM-ǵa jyl saıyn dıplomnyń zańdy ekenin rastaý úshin 500 myńǵa jýyq ótinim keledi. Ony rastaý úshin kóp ýaqyt qajet, – dedi Rústem Bıǵarı.

Onyń aıtýynsha, búgingi tańda 1992 jyldan bergi 2,5 mıllıon dıplom málimetter bazasyna engizilgen. Qazirgi ýaqytta joǵary oqý ornyn 1992 jylǵa deıin bitirgenderdiń tarıhı málimetteri jınalyp jatyr.

– Bıyl biz barlyq dıplomdy sıfrlandyrdyq. Bilim jáne ǵylym mınıstrligi saıtynan bazaǵa engizilgen dıplomdy onlaın rejımde tekserýge bolady. Jumys berýshiniń de, jumysqa turatyn azamattyń da ýaqyty men aqshasy únemdeledi. Endi dıplomnyń zańdy ekenin rastaý úshin notarıýsqa baryp, aqsha tóleýdiń qajeti joq. Jyl sońyna deıin bul jumysty tolyq aıaqtaımyz, – deıdi ol.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir