• USD 412.55
  • EUR 465.73
  • RUB 5.79
  • CNY 58.91

09 Maýsym, 2020 NEWS

"Koronavırýs ınfeksııasyn juqtyrǵandardyń arasynda sýdıalar da bar"

qamshy.kz

Koronavırýs ınfeksııasyn juqtyrǵandardyń arasynda sýdıalar da bar. Bul týraly joǵarǵy sottyń baspasóz qyzmetiniń jetekshisi Aıdos Sádýaqasov Facebook paraqshasynda jarııalady.

– Memlekettik qyzmetshiler arasynda da vırýsty juqtyrý faktileri kezdesýde. Keń baıtaq elimizdiń barlyq óńirinde derlik aýrý oshaqtary anyqtalyp otyr. О́kinishke oraı, naýqastanǵandar qatarynda birqatar oblystardaǵy sýdıalar men sot qyzmetkerleri de bar. Biraq Feısbýkte keı adamdar «sottar ashylsyn jáne sot prosesteri júzbe-júz, betpe-bet ótkizilsin!» degen talap qoıýda, – dep jazdy Sádýaqasov.

Ol óz sózinde sottyń jumysyn dúkenmen salystyrý orynsyz dep atap ótti.

– Bul vırýs keıbireýler oılaǵandaı mıf emes! Bul shynymen bar ári óte qaýipti dert. Mundaı jaǵdaıda sottardyń ashylýy nesimen qaýipti? Eń aldymen, kelýshilerdiń sanıtarlyq-epıdemıologııalyq norma talaptaryn qatań saqtaýy vırýstyń taralýyn tejeýge tolyǵymen kepildik bermeıtinin eskerý qajet. Sondyqtan qazir sot prosesterin taraptardyń tikeleı qatysýymen ótkizgen jaǵdaıda vırýs qatysýshylarǵa ǵana emes, sonymen qatar sýdıalardyń ózderine de juǵýy ábden múmkin. Al bul óz kezeginde sottyń jabylýyna ákep soǵady, – dedi ol.

Sádýaqasovtyń aıtýynsha, bir memlekettik uıym qyzmetin toqtatsa, onyń fýnksııasyn basqa memlekettik organ, al olardyń qyzmetkerleriniń mindetin basqa aýdandar men oblystardaǵy áriptesteri atqara alady. Al sottar bulaı isteı almaıdy dep atap ótti.

– Sotty «jaýyp tastaý» degenimiz – ony tolyǵymen áreketsiz jaǵdaıǵa túsirý, basqasha aıtqanda, osy aýdanda sot isin júrgizýdi toqtatýǵa ákelip soǵady. О́ıtkeni, sot karantınge «jabylǵan» jaǵdaıda sot prosesiniń qatysýshylary onyń «ashylýyn» kútýine týra keledi, ol sanıtarlyq normalarǵa sáıkes jabylǵannan keıin eki aptadan keıin ǵana baryp ashylýy múmkin. Al sot otyrysyn keminde eki aptaǵa keıinge shegerý degenniń ne ekenin zańgerler ǵana emes, bárimiz jaqsy bilemiz. Bul isterdi qaraý, shaǵymdaný merzimderiniń buzylýy jáne t.b. Al isterdi basqa sottyń qaraýyna berýge bolmaıdy, – dep jazdy ol.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir