Eski úlgidegi 500 teńgelik banknottar aınalymnan shyǵady

Qazaqstan Ulttyq banki 10 maýsymnan bastap 2006 jylǵy úlgidegi nomınaly 500 teńgelik banknottar aınalymnan shyǵatynyn habarlady.

Alaıda eski jáne jańa úlgidegi banknottar qatar qoldanyla beredi. Eski banknottardy tólem quraly retinde qabyldamaý ákimshilik quqyq buzýshylyq týraly Qazaqstan Respýblıkasy Kodeksiniń 206-babyna qaıshy keledi.

Banknottardy qabyldaýdan bas tartý faktileri týyndaǵan jaǵdaıda, Ulttyq Banktiń aýmaqtyq fılıalyna ótinish jasaý qajet.

2020 jylǵy 10 maýsymnan keıin (kezeń aıaqtalǵan soń):

• Ekinshi deńgeıdegi bankter qatar aınalys kezeńi aıaqtalǵan kúnnen bastap 12 aı ishinde eski úlgidegi banknottardy qabyldaıdy jáne qoldanystaǵy aqsha belgilerine aıyrbastaıdy;
• Ulttyq Banktiń fılıaldary ekinshi deńgeıdegi bankterdiń qabyldaý jáne aıyrbastaý merzimi aıaqtalǵan soń taǵy 3 jyl ishinde eski úlgidegi banknottardy qabyldaıdy, sondaı-aq olardy jańa úlgidegi aqsha belgilerine aıyrbastaıdy.