Tótenshe jaǵdaı engizilgenge deıin 940 myń adam jumyspen qamtyldy

Kásipkerler úshin salyqty jeńildetý máseleleri boıynsha ótken brıfıng qorytyndysy boıynsha Almaty Kásipkerlik jáne ınvestısııalar basqarmasynyń basshysy Erkebulan Orazalın men Almaty qalasy boıynsha memlekettik kiris departamenti basshysynyń orynbasary Orynkúl Qazıeva tótenshe jaǵdaı kezinde kásipkerlerdi qoldaýda, sonymen birge, salyq salasynda karantınge deıin jáne odan keıingi merzimde qoldaý sharalary týraly habarlady.

Tótenshe jaǵdaı engizilgenge deıin 940,000 adam jumyspen qamtylǵany, olardyń arasynda 600,000-ǵa jýyǵy shaǵyn jáne orta bıznes kásiporyndarda eńbektengeni aıtyldy. Karantın kezinde jumyspen qamtylǵandar sany 200,000-ǵa deıin tómendep, bul jaǵdaı tıisti qoldaý sharalaryn qabyldaýǵa ákeldi. Erkebulan Orazalınniń aıtýynsha, qazir jumyspen qamtylǵandardyń jalpy sany 800,000-ǵa deıin qalpyna keltirildi.

– О́nerkásip jáne qurylys salasyndaǵy kásiporyndar tolyqtaı jumys istep jatyr, jaqyn aradan beri iri saýda oryndary iske qosyldy. Almaty ákimdigi kásiporyndarǵa qatysty barlyq jumys máselelerin, sonymen birge, karantın kezinde kásiporyndardyń jaldaý aqysyn jeńildetý máselelerin belsendi túrde qarastyrýda, – dep málimdedi E. Orazalın.

Sonymen birge, ol búginde barlyq quraldardyń qıyn jaǵdaıdaǵy barlyq kásipkerlerdiń qyzmetin qoldaýǵa baǵyttalǵanyn da aıtyp ótti.

Memlekettik kiris departamenti 1 maýsymnan bastap salyqtyq jáne kedendik tekserýler, kameralyq baqylaý boıynsha eskertýlerdiń oryndalýy, salyq tóleýshilerge salyq qaryzyn óteý týraly habarlamalar joldamalarynyń, áleýmettik tólemder boıynsha qaryzdar (sonyń negizinde májbúrli túrde jazaǵa tartý jáne odan keıingi amaldar qarastyrylady), sonymen birge, appelıasııalyq komıssııanyń qyzmeti merzimderiniń jańarǵanyn jaıly habarlady.

– Salyqtyq esep berý (jyldyq deklarasııalar) formasyn tapsyrý merzimi 31 naýryzdan 31 mamyryna aýystyryldy, – dep eske saldy O. Qazıva — Bul jeńildikti shamemen 30 paıyzǵa jýyq kásipker paıdalandy».

Búginde óndiriste 319 salyqtyq jáne 102 kedendik tekserýler júrgizilýde.

Orynkúl Qazıeva tekserý barysynda tekserilýshi sýbekttiń jumys rejımi mindetti túrde eskeriletinin atap ótti. Osylaısha, eger uıym qyzmetkerleri karantınde bolsa nemese uıymnyń qyzmetine ruqsat berilmegen bolsa, onda uıym jumysyn tolyǵymen qaıta bastaǵanǵa deıin tekseristi toqtatý týraly habarlandyrý tabystalady. Bızneske qoldaý kórsetý úshin Memlekettik kiris komıteti de 2020 jyldyń ekinshi jarty jyldyǵyna tekseris júrgizý kestesin qurýdan bas tartty, al bul shamamen 135 tekserý. Tekserýler jospardan tys taǵaıyndalady.

Sonymen birge, jeke kásipkerlerdiń jeke tabys salyǵyn, iri saýda nysandary boıynsha jeke kásipkerler men zańdy tulǵalardy múlik salyǵynan, aýylsharýashylyǵy ónimderin aǵymdaǵy jyldyń 31 jeltoqsanyna deıin salyq mólsherlemesin «0» túzetý koefısıenti arqyly alǵan óndirýshilerge aýylsharýashylyq maqsattaǵy jerlerge jer salyǵyn tóleýden bosatý týraly sheshim qabyldandy.

Osyndaı túzetý koefısıenti áleýmettik salyq, mindetti zeınetaqy jarnasy, mindetti kásibı zeınetaqy jarnasy, áleýmettik aýdarymdar, mindetti áleýmettik medısınalyq saqtandyrýlarǵa kirister men aýdarymdardy jeke tájirıbesimen aınalysýshy, tólem júrgizetin qarjy kózinen ustalatyn jeke tabys salyǵynyń mólsherlemesine de bekitildi. Bul ereje (tártip) mıkro, shaǵyn nemese orta kásipkerlikpen 1 sáýirden 1 qazanyna deıin jeke tájirıbemen aınalysýshy jáne 1 sáýirden 2020 jyldyń 1 shildesine deıin iri kásipkerlik sýbektileri úshin qyzmet etedi.

1 qańtardan bastap, sonymen birge, ákimshilik júktemeni (salmaq, kúsh) tómendetý jáne bıznes ortanyń turaqtylyǵyn qamtamasyz etý maqsatymen mıkro jáne shaǵyn bıznes sýbektilerin úsh jylǵa deıin tekserý moratorııi kúshine endi. Soǵan qaramastan, moratorıı kedendik tekserýlege, qarsy salyqtyq tekserýlerge,salyq organdaryndaǵy tirkeýge alý mindetterine qatysy joq.

Memlekettik kiris departamenti sonymen birge, salyq tóleýshilerdiń suraqtary boıynsha túsindirmeler júrgizý úshin memlekettik kirister basqarmasynda baılanys ortalyqtary qurylǵanyn eske saldy.