• USD 405.69
  • EUR 455.51
  • RUB 5.72
  • CNY 57.42

09 Maýsym, 2020 NEWS

IIM senbilik mıtıngte 53 adam ustalǵanyn habarlady

Qamshy.kz

 
Ishki ister mınıstrligi 6 maýsymda eldiń birneshe qalasynda bolǵan mıtıngterge qatysty málimdeme jasady.
 
"Elimizde karantındik is-sharalardyń jalǵasýyna jáne koronavırýstyń taralý qaýpine baılanysty respýblıkanyń Bas sanıtarlyq dárigeriniń sheshimimen mıtıngilerdi, sherýlerdi jáne demonstrasııalardy qosa alǵanda, barlyq múmkin bolatyn kópshilik is-sharalardy ótkizýge tyıym salyndy.

QR Bas prokýratýrasy da “Beıbit jınalystar týraly” Zań talaptaryn, sondaı-aq karantındik sharalardy múltiksiz saqtaý qajettigi týraly azamattarǵa eskertti. Sondaı-aq olardy arandatýshylyqtarǵa boı aldyrmaýǵa jáne zańsyz narazylyq aksııalaryna qatyspaýǵa shaqyrdy.

Karantın rejımin qatań saqtaý qajettigi týraly eskertýlerge qaramastan, Qazaqstannyń keıbir qalalarynda 2020 jylǵy 6 maýsymda jekelegen azamattar zańsyz mıtıngiler ótkizýge áreket jasady.

Prokýratýra jáne jergilikti atqarýshy organdardyń ókilderi jınalǵandarǵa olardyń is-áreketteri zańsyz bolyp tabylatynyn túsindirdi. Alaıda, birqatar turǵyndar zańdy talaptarǵa baǵynbady.

Sondyqtan Ishki ister organdary qoǵamdyq tártip pen azamattardyń qaýipsizdigin qamtamasyz etý boıynsha tıisti sharalar qabyldady. Karantındik shekteýler men zań talaptaryn buzǵandar is-áreketterin toqtatýdan bas tartty. Sol sebepti olarmen profılaktıkalyq jumys júrgizý jáne is-áreketterine quqyqtyq baǵa berý úshin birneshe adam polısııaǵa jetkizildi.

Jalpy, polısııaǵa 53 adam jetkizilse, onyń segizi ákimshilik jaýapkershilikke tartyldy, olardyń jeteýine aıyppul salyndy, bir adamǵa eskertý jasaldy. Bılik ókiline qarsy kúsh qoldanyp, til tıgizgen eki tártip buzýshyǵa qatysty sotqa deıingi tergeý júrgizilýde. Qalǵan adamdar profılaktıkalyq áńgimelesýden keıin úılerine jiberildi" delingen mınıstrlik málimdemesinde.

Ilmek sózder: mıtıng

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir