• USD 412.55
  • EUR 465.73
  • RUB 5.79
  • CNY 58.91

09 Maýsym, 2020 NEWS

"Kıimdi jyrtyp tastady". Únsiz mıtıngke shyqqan analar mınıstrliktiń aldynda túnegen

azh.kz

Nur-Sultanda únsiz mıtıngke shyǵyp, ashtyq jarııalaǵan analar eńbek jáne halyqty áleýmettik qorǵaý mınıstrligi ǵımaratynyń aldynda túnegen. Olardyń ishinde júkti áıelder de bary anyqtaldy. 

– Biz osy jerde túnedik. Keshe saǵat 10:00-de keldik, áli turmyz. Dárethanalardyń bárin jaýyp tastady. Endi dárethana izdep, aınalanyń bárin aralap júrmiz. Qarapaıym halyq kómektesip turady. Kesheden beri nár tatqan joqpyz. Bizdiń talaptarymyz oryndalǵansha otyramyz, – deıdi Názıra Muqasheva.

Kópbalaly analar karton qorapty tósep, mármár tastyń ústinde túnegen. "Kúmis alqa" ıesi Quralaı Alııasova jedel járdem men polısııanyń áreketine aryzdandy. Onyń sózine qaraǵanda, búgin jedel járdem qyzmetkerleri temperatýrasyn ólshegennen keıin karantınge jaýyp tastamaqshy bolǵan.

– Polısııa meni shyǵarmaı, ustap turdy. Osy jerde otyrǵan analar baryp, julqylap shyǵarmasa, meni bosatpaıtyn edi. Temperatýrańyz joǵary dep, karantınge jappaqshy boldy. Kıimdi jyrtyp tastady, – dedi Alııasova.

Jedel járdem qyzmetkerleri kópbalaly ananyń kıimin jyrtpaǵanyn aıtyp, temperatýrasyn ólshegende 35 gradýsqa da jetpegenin atap ótti.

– Ol kisiniń temperatýrasyn ólshegende 36,9 gradýs bolǵan. Bul – koronavırýs ınfeksııasynyń belgisi. Tártip boıynsha adamda dene qyzý anyqtalsa, jedel járdem ony synamaǵa alyp ketýi kerek. Ol adammen qarym-qatynasta bolǵan adamdar da tekseristen ótýi shart. Men ózim bolǵan joqpyn. Sondyqtan kıimdi kimniń jyrtqanyn bilmeımin, – dedi Esil aýdanynyń bas sanıtar dárigeri Arman Qurbanov.

Esil aýdany bas sanıtar dárigeriniń aıtýynsha, mıtıngke shyqqan kópbalaly analar araqashyqtyqty saqtamaǵan jáne betperdeni durys kımegen.

Ashtyq jarııalaǵan analar araqashyq saqtap, únsiz mıtıngti ári qaraı jalǵastyrýda.

Eske sala keteıik, keshe elordada kópbalaly analar eńbek jáne halyqty áleýmettik qorǵaý mınıstrliginiń aldynda "úndemeıtin" pıketke shyqqan.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir