Qazaqstandyq belsendini úsh jylǵa sottalýy múmkin

Almaty polısııasy qazaqstandyq belsendi Ásııa Tólesovany Qylmystyq kodekstiń eki baby boıynsha aıyptaýda, dep habarlady Qazaqstannyń ishki ister mınıstrliginiń resmı ınternet-resýrsy.

"Zańsyz mıtıngke qatysqan Tólesova qyzmettik mindetin atqaryp júrgen polıseıge qarsy kúsh qoldanǵan. Tólesovanyń zańǵa qaıshy áreketi dálel retinde iske tartylǵan beınejazba materıalynda kórsetilgen. QR QK 378 (bılik ókilin qorlaý) jáne 380 (bılik ókiline qatysty kúsh qoldaný) baptary boıynsha sotqa deıingi tergeý amaldary bastaldy", - delingen habarlamada.

Polıseıler málimdegendeı, atalmysh baptar úsh jylǵa deıin bas bostandyǵynan aıyrýdy kózdeıdi.

"8 maýsymda kúdikti Tólesova QPK 128-baby boıynsha ustalyp, Almaty qalasy polısııa departamentiniń ÝUI-ge toǵytyldy", - delingen habarda.

Eske salsaq, 6 maýsymda habarlanǵandaı, Almatydaǵy mıtıng kezinde ustalǵandar arasynda "Shyndyqtan qasha almaısyń!" aksııasyna qatysýshylardyń biri Ásııa Tólesova da bolǵan. Keıin ol QazTAG HAA-ǵa ony bosatqandaryn jáne tipti hattama da bermegenderin aıtty, alaıda keshke qaraı belgili bolǵandaı, ony qaıta ustaǵan. Jáne qaıtadan jibergen. Sol kúni birqatar blogerlerdiń áleýmettik jelidegi paraqshasynda 11 sekýndtyq vıdeo taraǵan, onda Tólesova polıseıdiń basyndaǵy fýrajkasyna tıisip jatqany kórsetilgen.

7 maýsymda basqa belsendi Beıbarys Tolymbektiń anasy Lázzat Tolymbek sol kórsetilgen vıdeo-epızodqa deıin Tólesovanyń qarttardy kúshtep alyp ketýge kedergi keltirýge tyrysqany, biraq kúsh qurylymdarynyń ony jerge ıterip qulatqany jáne tipti turýyna da kómektespegenderi týraly aıtqan. 8 maýsymda belgili bolǵandaı, Tólesovany kúdikti retinde polısııaǵa shaqyrǵan.