• USD 412.55
  • EUR 465.73
  • RUB 5.79
  • CNY 58.91

08 Maýsym, 2020 NEWS

Sheteldik sarapshylar: AQSh ekonomıkasy oısyrady, Qytaı ekonomıkasy kúsheıdi

Kórneki sýret

Deutsche Bank-tyń bas ekonomısi Qytaı ekonomıkasynyń aıtarlyqtaı qalpyna kelip jatqanyn, AQSh ekonomıkasynyń álsiregenin aıtty. Amerıkanyń álsireýi álem ekonomıkasyna úlken qaýip tóndiretinin málimdedi. Bul týraly Qamshy tilshisi CNBC-ge silteme jasap habarlaıdy.

CNBC-dyń jazýynsha, pandemııa sebebinen jumys oryndarynyń jabylýy jáne úıde bolý sııaqty shekteýler búkil álemdegi ekonomıkalyq belsendilikti aıtarlyqtaı tómendetken. Basylymnyń aqparatyna sensek, Qytaı áli de damyp kele jatqan ekonomıkalardyń biri retinde qaralýda. Deutsche Bank bas ekonomısi jáne Azııa-Tynyq muhıty zertteý bóliminiń bastyǵy Maıkl Spenser Qytaı ekonomıkasy 5-6 paıyzdyq ósimmen óte kórnekti túrde qalpyna kelip jatqanyn aıtty.

– Qytaı ekonomıkasynyń ishki suranysy jaqsy qalpyna keldi, – deıdi ekonomıst CNBC-ge bergen suhbatynda.

Onyń aıtýynsha, AQSh ekonomıkasynyń quldyraýy Qytaıǵa, tipti álem ekonomıkasyna qaýip tóndirýi múmkin. 

Amerıkalyq saraptamalyq ortalyq Kato ınstıtýtynyń aǵa ǵylymı qyzmetkeri Stıv Henktyń pikirinshe, AQSh ekonomıkasy orasan zalaldy qalpyna keltirý úshin kóptegen jyldar qajet bolýy múmkin. Onyń oıynsha, AQSh JIО́ pandemııadan burynǵy deńgeıge 2022 jyly nemese odan keıin ǵana jetýi múmkin

– Ony durystaý birden múmkin bolmaıdy. Meniń oıymsha, biz daǵdarysqa deıingi JIО́ deńgeıine 2022 jyly jetemiz dep oılamaımyn, múmkin odan keıin, – degen ol dúısenbide CNBC-ge bergen suhbatynda.

– Sonymen, bizde jol qıyn, – dep qosty ol.

Ilmek sózder: AQSh Qytaı ekonomıka

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir