• USD 405.69
  • EUR 455.51
  • RUB 5.72
  • CNY 57.42

08 Maýsym, 2020 NEWS

«Praımerız. Jarııa saıasat. Depýtattyń beınesi qandaı bolýy kerek?» oqý baǵdarlamasy bastalady

Foto «Nur Otan» partııasynyń Facebook-tegi resmı paraqshasynan alyndy

«Nur Otan» partııasynyń Saıası menedjment mektebi praımerızge qatysýshylarǵa arnalǵan «Praımerız. Jarııa saıasat. Depýtattyń beınesi qandaı bolýy kerek?» dep atalatyn oqý baǵdarlamasynyń bastalatyny týraly aqparat taratty, dep habarlaıdy Qamshy.kz partııanyń Facebook jelisindegi resmı paraqshasyna silteme jasap.

"Qurmetti dostar! О́zderińiz biletindeı, aǵymdaǵy jylǵy 17 tamyz ben 3 qazan aralyǵynda «Nur Otan» partııasynyń praımerızi ótedi. Onyń basty maqsaty – aldaǵy Májilis pen barlyq deńgeıdegi máslıhattarda partııalyq tizimderdi qalyptastyrý úshin básekeles kúres negizinde jańa kóshbasshylardy anyqtaý. Jańa formattaǵy partııaishilik irikteý partııanyń árbir múshesiniń qatysýyna múmkindik beredi.

Osyǵan oraı «Nur Otan» partııasynyń Saıası menedjment mektebi praımerızge qatysýshylarǵa arnalǵan «Praımerız. Jarııa saıasat. Depýtattyń beınesi qandaı bolýy kerek?» dep atalatyn oqý baǵdarlamasynyń bastalatyny týraly habarlaıdy.

Eger praımerız jaıly, zamanaýı aqparattyq bolmys jaǵdaıynda jeke ımıdjińizdi basqarýdyń negizgi prınsıpteri, saıası qarym-qatynas pen sheshen sóıleý daǵdylary týraly jan-jaqty bilgińiz kelse, Sizderdi osy oqý baǵdarlamasyna qatysýǵa shaqyramyz.

Semınarlarda belgili saıasattanýshylar, memlekettik jáne qoǵamdyq qaıratkerler, psıhologtar spıker retinde sóz sóıleıdi. Olardyń ishinde Ermuhamet Ertisbaev, Aıdos Sarym, Rasýl Jumaly, Andreı Chebotarev, Saıasat Nurbek jáne basqalar bar.

Oqytý baǵdarlamasy onlaın rejımde ótetin tórt modýlden turady.

Birinshi modýl: Partııaishilik irikteý-praımerızin iske asyrý mehanızmi.
Ekinshi modýl: Praımerızdi ótkizýdiń halyqaralyq tájirıbesi. Depýtattyń bıliktegi róli men orny.
Úshinshi modýl: Depýtattyń beınesi. Imıdj jáne minez-qulyqtyń tıimdi úlgisin qalyptastyrý.
Tórtinshi modýl: Saıası sheshendik.

Interaktıvti pikirtalas, toptarda praktıkalyq sabaqtar jáne shyǵarmashylyq tapsyrmalar qarastyrylǵan. Qatysýǵa nıet bildirgen barlyq partııalyqtar úshin sabaqtar tegin ótkiziledi.
Semınarlar osy jyldyń 15 maýsymynda bastalyp, 7 tamyzda aıaqtalady jáne saǵat 9.30 – 13.00 aralyǵynda ótedi.

Tolyǵyraq aqparatty turǵylyqty mekenjaıyńyz boıynsha partııanyń oblystyq fılıalynan nemese «Nur Otan» partııasynyń Saıası menedjment mektebinen myna mekenjaı boıynsha alýyńyzǵa bolady:
Nur-Sultan q., Qonaev kóshesi, 12/1
tel. +7-7172-707621
www.spm.nurotan.kz saıty,
info_school@spm.nurotan.kz elektrondy poshtasy
Áleýmettik jelilerdegi akkaýnttar:
www.instagram.com/spm.nurotan.kz" delingen partııanyń resmı paraqshasyndaǵy jazbada.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir