Mańǵystaý dızaınerleri alǵash ret Dýbaı qalasynda sán kórsetilimin uıymdastyrdy

Mańǵystaý dızaınerleri alǵash ret Dýbaı qalasynda sán kórsetilimin uıymdastyrdy.

2020 jyldyń 14 naýryz kúni Birikken Arab Ámirlikteriniń Dýbaı qalasynda Fella Fashion Show Dubai sán kórsetilimi ótti. Jobanyń uıymdastyrýshysy - «PR agency of Yerlan Yerubayev», agenttiktiń negizin qalaýshy - Erlan Erýbaev.

Jobanyń maqsaty – ózge ult ókilderin qazaq mádenıetimen tanystyrý, tájirıbe almasý, sonymen qatar alǵash ret halyqaralyq deńgeıde Qazaqstan atynan sán kórmesin uıymdastyrý bolatyn. Erlan Erýbaevtyń aıtýynsha, Qazaqstan tarıhynda alǵash ret «PR agency of Yerlan Yerubayev» halyqaralyq deńgeıde Dýbaıda sán kórsetilimin uıymdastyra aldy. Buǵan deıin birde-bir agenttik mundaı sharalardy uıymdastyrǵan emes. Kórsetilimdi ótkizýge BAÁ Mádenıet mınıstrligi ruqsat berdi, osyǵan baılanysty arnaıy lısenzııa da berilgen.
Men ózim birneshe ret shoýmen birge barýǵa tyrystym, biraq nátıje bolmady. Tek uıymdastyrýshy Erlan Erýbaevtyń, onyń tabandylyǵynyń arqasynda ǵana biz komanda jáne qatysýshylar retinde osy keremet jobaǵa qatystyq. Erlan Erýbaev ataqty adamdarmen jáne belgili tulǵalarmen kelisip, olardy shoýǵa shaqyra aldy. Tańqalarlyǵy, olardyń barlyǵy onyń usynysyn qabyldady. Árıne, muny biz jeltoqsan aıynda josparlaǵan bolatynbyz, sapar aldynda kóptegen kedergiler bolǵan, biraq biz qandaı bolmasyn barýǵa bel býdyq. Biz abyroımen óner kórsetip, óz elimizdi jáne Mańǵystaýdy tanyttyq, – dedi «Nurshah» brendiniń negizin qalaýshy Nurjamal Nurpeıisova.
Qazaqstan atynan Mańǵystaý oblysynyń maqtanyshy Nurjamal Nurpeıisova usynǵan «Nur Shah» brendi, sondaı-aq Aıjan Sembıgalıeva usynǵan «Jadaǵaı» brendi boldy. Jáne Túrkııadan óz elinde áıgili sanalatyn «ZUM Fashion» brendi, BAÁ atynan BAÁ naryǵynda 30 jyl boıy eńbek etip jatqan tanymal Dýbaı dızaıneri Mona Almansýrı qatysty.
«Jadaǵaı» brendi Dýbaı qalasynda etnıkalyq stılde, barlyǵy tek qana túıe júnnen daıyndalǵan syrt kıim úlgilerin kórsettik. Syrt kıimder qazaq halqynyń ejelgi tarıhyn jáne mádenı qundylyqtaryn saqtaı otyryp kórsetilimge úlken daıyndyqpen qatystyq. Kórsetilimnen keıin kelgen qonaqtar jeke kelip habarlasyp kıimderdi ustap kórip sýretke, vıdeoǵa túsirip qyzyǵýshylyǵyn kórsetti. Sol jerden eki jadaǵaıdy satyp aldy. Men bul kórsetilimge qatysqanyma óte qýanyshtymyn. Mańǵystaýda óndirilmeı jatqan túıe júni óndirisine az da bolsa úlesimdi qossam degen armanym oryndalyp jatqanyna kózimdi jetkizgendeı boldym», - dedi «Jadaǵaı» brendiniń negizin qalaýshysy Aıjan Sembıgalıeva.