Denesin qaraǵa boıaǵan aq násildi qamaýǵa alyndy (vıdeo)

Denesi túgeldeı qaraǵa boıalǵan aq násildi er adam narazylyq sherýine shyqqandarmen janjalǵa barǵannan keıin qamaýǵa alyndy. Bul týraly Qamshy tilshisi The New York Post basylymyna silteme jasap habarlaıdy.

Kanadanyń Toronto qalasyndaǵy Natan Fıllıps alańynda denesi qaraǵa boıalǵan adam beıbit demonstrasııaǵa kedergi keltirgen.

"Betin, shashtaryn jáne qoldaryn tolyqtaı qaraǵa boıaǵan adam men polısııa arasynda shıelenis bolǵan" dep jazdy The New York Post. 

Basylym jarııalaǵan vıdeoda er adamnyń "men qalaǵan nárseni isteýge erikti bolýym kerek" degen aıqaıy estiledi.

– Men senderdi qajet etpeımin. Meniń dúnıemnen ketińder, bul senderdiń jerleriń emes, – deıdi boıalǵan adam. Al, onyń qasynda ketip bara jatqandardyń "sen jeńilis tabýshysyń" degen sózderi estiledi. 

Vıdeoda boıalǵan adamdy bir top ofıserler alyp bara jatqany kórsetilgen.

– Er adamdy Toronto polısııasy beıbit sherýdi buzǵany úshin qamaýǵa aldy, – dep habarlady Global News.