• USD 468.56

  • EUR 497.56

  • RUB 7.3

  • CNY 67.18

29 Naýryz, 17:00:22
Almaty
+35°

08 Maýsym, 2020 NEWS

«Nur Otan» jańa partııalyq kýratorlardy taǵaıyndady

«Nur Otan» partııasy tóraǵasynyń birinshi orynbasary Baýyrjan Baıbek atap ótkendeı, Elbasynyń bastamasymen partııanyń «qaıta jandanýy» aıasynda partııalyq kýratorlar arasynda úsh jylda bir ret josparly rotasııa júrgizý týraly sheshim qabyldanǵan bolatyn.

Qamshy.kz

Saıası keńes Bıýrosynyń sheshimimen partııa kýratorlarynyń quramy jańartyldy, dep habarlady «Nur Otan» partııasy Ortalyq apparatynyń baspasóz qyzmeti.

«Nur Otan» partııasy tóraǵasynyń birinshi orynbasary Baýyrjan Baıbek atap ótkendeı, Elbasynyń bastamasymen partııanyń «qaıta jandanýy» aıasynda partııalyq kýratorlar arasynda úsh jylda bir ret josparly rotasııa júrgizý týraly sheshim qabyldanǵan bolatyn.

Osyǵan oraı Beıbit Mamraev partııa jelisinde bilim berý salasynyń kýratory boldy. Jumyspen qamtý jáne halyqtyń áleýmettik osal sektorlaryn qoldaý sektoryn Artýr Platonov qadaǵalaıtyn bolady. Al agrarlyq sektorge – Berik Ospanov. Partııanyń jetekshiligi arqyly jastardy qoldaý máselelerimen Gennadıı Shıpovskıı aınalysady.

«Barlyq úmitkerler - bizdiń fraksııanyń Májilistegi jumys tájirıbesi mol depýtattary. Men ásirese osy baǵytta úsh jyldan astam jemisti eńbek etken kýratorlarǵa alǵysymdy bildiremin. Ábdimanap Bekturǵanov «Muǵalim mártebesi týraly» zań jobasyn qaraǵan jumys tobyn basqardy. Jeksenbaı Dúısebaev elimizdiń aýyl sharýashylyǵy úshin mańyzdy «Jaıylymdar týraly» zań jobasyn usynyp, ony basqarady. Aıgúl Nurkına - ana men balany qorǵaý, ınklıýzıvti bilim berý jáne turmystyq zorlyq-zombylyqpen kúresý týraly zań jobalarynyń bastamashysy. О́zi kýratorlyq etken qysqa merzimge qaramastan, Juldyz Omarbekova Azamattyq is júrgizý kodeksine ózgerister engizýge qatysty», - dedi Baýyrjan Baıbek.

Otyrys barysynda «Nur Otan» partııasy tóraǵasynyń birinshi orynbasary partııalyq qurylymdardyń formaty men jumys ádisterin ózgertý qajettiligine nazar aýdardy.

Onyń aıtýynsha, saılaýshylarmen neǵurlym belsendi jumys jasap, rezonans týdyrǵan máselelerge shuǵyl mán berip, ýákiletti organdardy tarta otyryp sheshim qabyldaý kerek. Bul formatta jańartylǵan partııalyq baqylaý komıteti, Sybaılas jemqorlyqqa qarsy is-qımyl jónindegi respýblıkalyq qoǵamdyq keńes, Otbasyn qoldaý, áıelder men balalar quqyǵyn qorǵaý jónindegi keńes jumys isteıdi.

«Partııa lıderi Nursultan Nazarbaevtyń «Nur Otan»-dy qaıta jandandyrý týraly tapsyrmalaryn oryndaý aıasynda búgingi tańda bizdiń qoǵamdyq keńesterimizdiń jumysy kúsheıtildi. Bıylǵy jyldyń birinshi toqsanynda Sybaılas jemqorlyqqa qarsy is-qımyl jónindegi respýblıkalyq qoǵamdyq keńes jáne Partııalyq baqylaý komıteti memlekettik baǵdarlamalar qatarynda «Bes áleýmettik bastama» jobasynyń iske asýyn, sondaı-aq sybaılas jemqorlyqqa qarsy is-qımyldardy qosqanda shamamen 2,5 myń máseleni qarady. Jalpy, partııalyq kýratorlardyń jumysy barynsha ashyq bolýy kerek. Árkimniń áleýmettik jelilerde óz akkaýnty bolýy kerek, óz jumysyn únemi jarııalap, adamdardyń suraqtaryna jaýap berýi kerek», - dep atap ótti Baýyrjan Baıbek.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir